陳柏宇首度與Serrini合作 盼有機會為愛女唱兒歌:寫隻碟畀Abi

撰文:
最後更新日期:

踏入2020年,樂壇有不少令人驚喜的合作,最近陳柏宇(Jason)首度和「陀地歌姬」Serrini合唱《網絡安全隱患》,由於Jason近期走有型感性情歌路線,與Serrini調皮搞鬼的曲風截然不同,樂迷都覺得這次合作新鮮感十足,相當期待。

陳柏宇與Serrini合唱,出乎一眾樂迷意料之外。

Jason坦言,與其他歌手合唱時會注意作品在編曲上的潛力,期望帶給聽眾新鮮感:「如果都係揀返一啲ballad(芭樂),喺編曲上就冇得玩好多嘢,因為ballad一係好簡潔,一係好高貴;而呢一首歌係有大啲嘅潛力去試唔同嘅編曲,我覺得要做就做啲值得聽,好唔同嘅版本,而唔係唱返同一個版本就叫合唱。」Serrini亦認同,更指:「如果唔係就要伴舞㗎喇!」Jason也即時附和點頭,說:「或者拍個有愛情故事元素嘅MV。」

+4
+4
+4

Serrini即興想到與Jason可以組成「茵宇のSing」,又提議日後二人可再次合作,為Jason女兒Abigail製作兒歌:「大家都係玩啲好唔同嘅嘢,可以寫隻碟畀Abi,睇下佢鍾意啲咩。」Jason聽罷Serrini的提議,即說愛女最愛跳舞及愛跟歌詞內容做動作,後者即指:「即係『指引式兒歌』,(例如)記住急就要去廁所!」Jason想不到Serrini竟這麼諗頭,也不禁大讚「Very Nice」!

Serrini與Jason組成「茵宇のSing」,建議二人可合作製作兒歌專輯送給Jason愛女Abigail。



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。