鄭秀文（Sammi）今日（11/7），舉行第二場「答謝會」，繼第一晚有天王好友劉德華做嘉賓後，第二晚一樣有驚喜，今次就到老公許志安（Andy）上場。安仔一出場，全場尖叫聲不絕，反應熱烈。而兩夫妻更同台先合唱了安仔的作品《一步一生》。

而當鄭秀文在演繹《一步一生》時，許志安在旁靜靜地溫柔對望，二人更一直手牽手場面溫馨。在安仔出場前，鄭秀文向觀眾透露今次答謝會有嘉賓的原因︰「原定演唱會是冇嘉賓，但嚟到呢件事，今晚喺呢個舞台上面，我自己好想有更加大嘅力量畀自己。幾日前，我就同呢個人講︰『你可唔可以做我嘉賓呀？』我記得有一年喺紅館，開開下演唱會，個人無晒電嘅時候，我叫救命第一個人都係諗起你，我今次同樣好想有呢一份力量幫我去渡過。」隨後安仔便出場。

而唱畢《一步一生》後，Sammi續說︰「前幾日臨時臨急邀請你，因為今晚係第二晚晚我好唔想自己一個人，於是通知公司，但原來好多嘢要搞要買保險等，都整得切，幫你買咗保險。」而許志安在台上，就多次向觀眾鞠躬致意，態度誠懇。最後二人再合唱《其實你心裡有沒有我》作結。