參加《聲夢傳奇》入行的21歲新生代歌手林智樂（Felix），憑參與節目《聲生不息·大灣區季》中的演出，而在內地迅速爆紅，被內地網民封為「寶藏新人王」，更於今年5月在廣州舉辦首場個人全國巡迴演唱會。不過巡演進行了一場便「冇聲氣」，今日（25日）林智樂出席慈善活動時，透露最新情況。

林智樂接受訪問時， 提到全國巡演進行了一站就沒有繼續，他透露巡演會繼續，但因為要跟湖南衛視節目中的幾位男星演出，完成工作後就會繼續巡演：「預計年底或明年，其實都唔緊要，做完第一次之後無論自己狀態定係整個騷，都有好多嘢要調整。其實場就Book咗好耐，唔想咁急要開。其實地點已經定好，場地都改咗幾次期，之後再同大家匯報。」