《衛蘭 OUT OF FRAME 》香港站首場圓滿完成:呢度先係我屋企
《衛蘭 OUT OF FRAME 世界巡迴演唱會》香港站首場演出昨晚(14日)於紅館圓滿完成,紅館後台一片花海,當中包括前老闆黎明,他的花籃上不單止擺滿了零食,更附上金句:「Good Show,Good Luck,Show前唔好食,Show後馬上食。」另外張學友、容祖兒、張敬軒、莫文蔚、古巨基、張柏芝、梁詠琪、陳慧琳、楊千嬅、丁子高、方力申、炎明熹、王祖藍、李亞男等也有送來花籃給 Janice 打氣。親臨紅館現場支持Janice 的藝人及歌手包括蔡思貝、王君馨、鍾舒漫、泳兒、黃建東、朱芸篇、雲浩影、黃淑蔓、Winka@COLLAR、 洪嘉豪、梁思浩、應昌佑等,他們及全場歌迷一起為 Janice 喝采。
Janice 一出場先以暗黑造型和大家見面,在16位舞蹈員和4位銅管樂手陪伴下,以《Break-a-way》、《My Cookie Can》、《一格格》等富節奏感的歌曲為全晚演唱會揭開序幕,Janice 說:「香港嘅朋友,您哋好嘛?上年我嘅20 周年巡迴演唱會帶咗我去好多唔同嘅地方,同埋都見咗好多唔同城市嘅朋友,但其實我一直諗住您哋!因為呢度先係我屋企,出咗去一段時間都有諗過您哋有冇忘記我?返到屋企就想分享呢份禮物俾大家,今次演唱會係有一個全新嘅舞台同製作,其他站係真係未見過嘅。」接著她便以一曲《Little Miss Janice》結束了第一部份的表演。
在換過服飾後,Janice 一口氣帶來《離家出走》、《街燈晚餐》、《殘酷遊戲》、《心亂如麻》等經典歌曲,全場觀眾也和她一起大合唱。演唱會第三部份更有80位和唱與Janice 給大家送上《鐵蘭花》和《所以我愛》,接著她說:「請大家俾啲掌聲我呢班chorus,係神嘅愛令我哋走埋一齊,所以今晚好想將呢份愛分享俾您哋。」然後Janice 便以木結他自彈自唱了《True Colors》。
在「環場360」環節中,Janice 企上和舞台有接近6米高度距離的移動裝置,在半空中繞場一周,與坐在山頂的觀眾近距離接觸,她先唱出《一場誤會》、《回電我》,在唱《你知道我在等你們分手嗎》時,身處台下觀眾席的黃淑蔓更和她遠距離對唱,令大家感到驚喜,之後的《大哥》和《就算世界無童話》引發了全場大合唱,大家對這兩首歌的投入和滾瓜爛熟令 Janice 非常感動,她說:「就算呢個世界冇童話,但都會有好多盼望,喺度都想衷心多謝 Leon同Mark,同所有喺我嘅音樂旅程幫過我嘅人,多謝您哋俾咗好多好歌我,而呢啲歌亦陪伴住大家成長。喺呢20 年我好開心有您哋陪住我經歷好多高高低低,作為一個獨立歌手可以企喺紅館呢個舞台上,感覺真係好特別,好感恩。」接著Janice 唱出了《The Best Version of Me》。
再度出場的Janice 由《草蜢》其中兩位成員蔡一智及蔡一傑陪伴下合唱了,原來蘇志威因不在香港所以未能參與演出。蔡一傑在台上恭喜Janice 再一次返到紅館,和那麼多樂迷一起分享她的音樂;蔡一智說:「今晚我哋所有錫Janice 嘅人都嚟晒,大家俾多啲愛嘅聲音俾 Janice 聽吓!」傑仔透露原來《草蜢》和Janice 認識這麼多年從未試過同台演出,上次Janice 的紅館演唱會已想邀請他們做嘉賓,但他們剛巧出埠工作未能成事,今晚終於可以同台合唱,Janice 以歌迷身份向傑仔和阿智點唱《永遠愛著你》。及後在唱《愛才》和《她整晚在寫信》時,Janice 更走至舞台四邊觀眾席和大家握手互動。
接著Janice 把紅館變成巨型Party House,先有DJ Tommy 出場打碟,更有新晉女歌手KALAI家麗首度踏上紅館舞台,她倆先合唱了Janice 當年和廿四味合作的《喜愛夜蒲》主題曲《Wonderland》、之後還有《Sugar in the Marmalade》英文版和《越夜越有機》,最後再重唱一次《Wonderland》,為《衛蘭 OUT OF FRAME 世界巡迴演唱會》香港站首場演出畫上完美句號。