6號@RubberBand與布志綸Alan合體開騷 網民激讚:好聽到不停爆粗

撰文:秦志鴻
出版:更新:

RubberBand 的 6號與 Mr.的布志綸Alan ,最近應鼓手KB和黃丹儀主持的網上音樂節目《Music Panda 》的邀請,首次以個人名義合體演唱,節目於YouTube上推出短短幾4日已經超越十萬Views ,獲網民不停留言激讚。這對當年頒獎台上的兩大競爭對手,兩大主音惺惺相惜,不單互唱對方樂隊名曲,更演繹了很多他們喜歡歌手的歌曲。當中6號和Alan 都狀態大勇,甚至有網友大讚:「好聽到不停爆粗。」

對於網民留言激讚,Alan及6號坦言也有看到,十分感謝大家喜歡這次合作與及rundown 。 Alan 直言他非常之開心可以和6號合作,與6 號認識十多年,樂隊與樂隊之間能互相欣賞很難能可貴。

節目之中,6號與Alan 回憶入行時的辛酸。Alan 說過去日子,最開心是與隊友一齊「食嘢飲嘢」再夾歌,KB就抵死即問「食咩先?」Alan 急急笑回話:「食得咩?哈哈!叉雞飯個啲囉,窮到可以一個飯盒兩份分,以前真係試過銀行零蚊的日子。」

而6號就直言自己是非常之保守家庭中長大,從來沒想過當明星,所以最初被睇中獲邀成為樂隊主音兼出唱片,他都一口拒絕,覺得發夢冇咁早,做人應實際。最後肯簽約踏出新一步,也是要公司答應他可以搵回以前港台打工的萬幾蚊底薪,又保証為他接到拍片等等外快工作,他才肯答應簽約。提到Alan 早前做了爸爸,6號表示沒有生仔計劃:「我估我唔會喇,我覺得依家世界變化好大,我冇 Alan咁勇。」而KB就笑他:「你又知佢勇,佢生仔係意外嚟㗎!」令Alan啼笑皆非。