AK@MIRROR新歌《黑之呼吸》為黑面平反 中空上陣大曬子彈腹肌

撰文:陳芷穎
出版:更新:

人氣男團MIRROR每個星期都有新作品推出,繼姜濤、柳應廷(Jer)、陳卓賢(Ian)先後公開全新單曲、以及MIRROR總動員推出團歌《WARRIOR》後,成員江𤒹生(AK)正式接力,年度首支個人歌曲《黑之呼吸》於昨日(31/3)正式面世。內容講述人類為了存活難免抹去自我,AK希望藉着歌曲提醒聽眾勿忘初衷、誠實做我:「呢個世界有好多唔同嘅聲音,干擾你嘅真實想法。我覺得只要唔影響其他人,盡量都要保持內心最純真嘅想法,因為呢個先係真正嘅你。」

江𤒹生(AK)年度首支個人歌曲《黑之呼吸》於昨日(31/3)正式面世。(IG/ @_kisang_)

花姐勸拍劇

自言與「黑」有緣的AK,除了因為皮膚黝黑,也經常被冠上「黑面」之名:「我唔笑嘅時候,個樣比較惡,好容易被人誤解,但係只要知道自己做緊乜,咁就足夠。」他也透露入行後曾接收過不少意見,如何從中學會平衡、不要盲目跟從也是一門學問:「例如花姐會叫我唔好唱歌,不如去拍劇,我覺得要自行過濾,諗清楚邊方面最想做、最適合自己,即使有可能會做錯決定,但係死喺自己手上都係無悔,哈哈。」

向來守身如玉的他,首度在鏡頭前中空上陣,大曬健身有成的子彈腹肌。

「黑之樂隊」限時現身

為配合歌曲設定,《黑之呼吸》MV主打黑白風格,令AK直呼新鮮同時他更為《黑》獻出了第一次。向來守身如玉的他,首度在鏡頭前中空上陣,大曬健身有成的子彈腹肌,不過他卻笑言緊張:「我真係第一次露咁多肉,所以好難忘!」

此外,AK亦率領「黑之班底」,包括音樂才子徐浩(Terry)、樂隊ONE PROMISE結他手天衡及著名鼓手一丁,組成期間限定的四人樂隊進行拍攝。提到新歌的黃金陣容,AK透露源於去年一次合作:「舊年同ONE PROMISE翻唱咗幾首歌,從而同天衡熟咗,佢知道我想嘗試band sound,主動提出幫我寫歌;監製Terry覺得我都適合呢類型曲風,所以促成今次合作。」為求盡善盡美,同時邀請鼓手一丁合流錄製真樂器,給《黑之呼吸》錦上添花。

AK亦率領「黑之班底」,包括音樂才子徐浩(Terry)、樂隊ONE PROMISE結他手天衡及著名鼓手一丁,組成期間限定的四人樂隊進行拍攝。

被「御用監製」Terry大讚真性情、也坦承是MIRROR當中最率性的AK,再被問到頒獎禮的「黑面說」,AK藉着《黑之呼吸》表達「重整」之意:「知道好多人集中喺我嘅表情上,嗰日真係單純地對自己感到失望,覺得辜負咗屋企人、身邊團隊,其實我好戥兩位隊友高興!推出《黑之呼吸》,係重整咗自己心態,今年重新出發,喺未來嘅音樂道路上,希望可以繼續增進才藝,帶更多好音樂畀大家。」

點撃睇更多AK拍MV花絮相:

+4