BINGO《天生一對》MV挑戰Cult片風格 古靈精怪傻大姐味大爆發
撰文：陳栢宇
出版：更新：
女子組合BINGO的關嘉敏（Carman）和陳康琪（Odilia）早前參加「音樂永續」計劃，翻唱夢劇院的《天生一對》，而MV亦已於上星期推出。MV以 90年代味濃的「Cult片」手法拍攝，表現出她們古靈精怪、瘋癲，傻大姐性格，給觀眾感受兩人性感型格以外的一面。
BINGO日前拍攝《天生一對》MV。
陳康琪說：「因為我哋首歌叫《天生一對》，拍攝組就Ready咗一個我哋通常覺得係絕配嘅組合，Cheese cake配茶，餅乾配牛奶，炸雞配啤酒，今次可以不顧儀態地在鏡頭前食炸雞同飲啤酒，感覺好正，拍嘅過程都好Chill，因為只用一個綠幕就可以做到所有效果，出來感覺好過癮。」
關嘉敏則指今次拍MV挑戰了新服裝和新妝容：「好調皮，我哋好少以呢類造型亮相，拍攝組仲加快咗首歌1.25 倍，再配合呢種Cult 片嘅拍攝手法，我哋都排左小小舞步，令成件事出來畀人感覺開心，都係希望可以娛樂大家。」