【叱咤】坤哥《百姓》奪金曲第五位：驚有人喝倒彩
撰文：許栢倫 陳奕熙
出版：更新：
前台記者：鄺鈺瑩
後台記者：陳奕熙
坤哥在台上分享感受時：「多謝TVB！」(符祥定攝)
叱咤十大第五位由吳業坤(坤哥)的《百姓》奪得，坤哥走到台上講述得獎感受時，他表示：「我想講，16年係精彩的一年，經歷好多嘢，令我好多好開心，亦有好多唔開心，有人問我，可能會唔會，想唔想上台拿獎，我當然話平常心，我自己同自己講，我上台唔係驚冇掌聲，係驚有人喝倒彩。」
今次由ViuTV全場直播，坤哥在台上亦毫不介意，在台上「多謝TVB！」，他續道：「好多謝Wyman，寫一首咁貼身﹑貼心的詞，希望大家感受到呢個時代，2016年發生過的事情。多謝所有人送咗我一程，好漂亮既一個旅程，一架超速既紅VAN，去咗好多地方，呢一刻係時候落車，繼續在行，我希望每一年都可以坐係下面！」
坤哥今年在叱咤奪獎再沒有喊到眼鏡矇晒，2016年經歷了很多的坤哥直言:「正如我台上所講，所有眼淚都喊晒，多謝漏咗好多人。」談到2017年的大計，他居然話要唱快歌，即是要跳舞？他笑言:「係啊，試下吖嘛，太多慘歌喇，(跳舞得唔得㗎？)試下，整啲郁嘅舞。」
今年坤哥又再眼濕濕，不過眼鏡沒有「起霧」。(網上截圖)