【叱咤】陳奕迅忽然現身唱《四季》 連環失準忘詞尷尬笑 

撰文:許栢倫 陳奕熙
出版:更新:

前台記者:鄺鈺瑩
後台記者:陳奕熙

陳奕迅坦言《四季》原本不是找他唱。(符祥定攝)

《叱咤樂壇流行榜頒獎典禮2016》十大歌曲名單出爐,陳奕迅奪得至尊歌曲大獎,陳柏宇和周柏豪失落十大。陳奕迅獲獎時突然出現於台上,令人非常驚喜,他分享得獎感受表示:「要多謝個傳聞,本來首歌唔係屬於我,我真係冇搶返黎!個運係唔知點解係我手到,要多謝蔡穎恩,佢係原本主唱。」他續道:「希望大家好似呢隻歌咁,本身係勵志歌,遇到咩唔開心,經過幾多年幾多季,好似呢隻歌咁,重拾心情,重新出發,重新去開始,要正面啲,希望你feel到。」

不過,唱出《四季》時,Eason卻罕有失準連環甩嘴,更在台上大叫:「So Bad!」唱畢他尷尬一笑,並謂:「新年快樂。」

 

Eason甩嘴後,非常尷尬。(電視截圖)

而C AllStar亦憑住《聲音騷了》奪得叱咤十大第四位,訪問時他們講到今次是首次奪得叱咤十大,即使當年《天梯》也只是點擊很高而沒有獎項:「數住㗎,依首係我哋出道第9隻碟,第41首歌,曲風好唔同,所以評價好兩極。」四子又開心宣佈2017年的計劃除了年頭出新碟,更會在十月開騷:「終於講得喇!我哋入咗8個月終於入到紙,(四面台?)希望啦,可以六面台,八面台,第二次開紅館喇!」

C AllStar當年連《天梯》都未能獲獎,《聲音騷了》終於可以。(陳奕熙攝)
你可能感興趣