張敬軒疫情下寫《Sweet Escape》 認被Delta T《通心粉》吸引

撰文:
最後更新日期:

張敬軒月前開始宣傳大碟《The Brightest Darkness》第二主打《Sweet Escape》,除了本來在專輯中聽到的版本外,最近也推出以鋼琴伴奏的「Aftermath」版本。他昨日(9/6)在Instagram公開片段,大談《Sweet Escape》的創作過程。

軒仔談《Sweet Escape》創作過程。(張敬軒IGTV影片截圖)

《Sweet Escape》在去年2月開始製作,軒仔坦言當時雅旺錄音室(Avon)因疫情停擺,於是決定在Studio B開始創作:「有一段時間,大家都要隔離,所以我可以喺錄音室裝好晒自己鍾意嘅機,一啲以前做音樂會用到嘅嘢。有一日突然間覺得,自己好似好耐冇寫過一啲自己鍾意嘅,有beats嘅嘢,之後就開始寫咗一啲唔同嘅loop,睇下有邊一個片段有機會可以變成一首歌,而《Sweet Escape》就係其中一首。」

+3
+3
+3

至於這次與新晉音樂人Delta T(蛋撻頭)合作,軒仔指當時尚未有創作《Sweet Escape》的念頭,談到對方最吸引自己的作品,軒仔則推介《通心粉》:「有一日我喺YouTube睇一啲新音樂人嘅作品,我見到有首歌叫《通心粉》,咁搞笑嘅?同埋個MV好似好low-tech咁,我就開咗嚟睇下。聽完覺得,原來都幾正喎,佢填詞嘅概念同埋本身創作嘅態度令我覺得好有新鮮感。其實嗰時未有《Sweet Escape》,後來呢首歌要搵人填詞,我就想份歌詞唔好咁循規蹈矩,就諗緊不如搵蛋撻頭試下。然後我好厚面皮咁喺IG私訊咗佢,跟住佢有覆我,我哋大家就約見面。」

軒仔的《Sweet Escape》邀請Delta T(右)填詞。(Delta T Instagram圖片)

+3
+3
+3


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。