【莫文蔚演唱會】與偶像林子祥合唱圓夢 阿Lam佻皮稱唔識葉蒨文
撰文：劉傳謙
出版：更新：
《絕色莫文蔚世界巡迴演唱會香港站》昨晚（11/5）在紅館舉行第二場，在Encore時Karen邀請了林子祥（阿Lam）擔任表演嘉賓，Karen見到阿Lam時，即喜上眉梢，露出一臉孩子氣。
不講不知，原來阿Lam與Karen的爸爸莫天賜同是拔萃男書院的師兄弟，當年莫爸爸因為長跑了得在校內無人不曉，所以作為師弟的阿Lam不但早已認識莫爸爸，更封對方為偶像。而阿Lam大熱作品無數，Karen自小已是阿Lam的歌迷，直到加入樂壇與阿Lam認識了後，才發現彼此之間微妙的關係。
二人雖然認識已久，但卻一直未有機會合作，所以今次Karen力邀阿Lam擔任嘉賓，一圓合作的夢。二人在唱過《我愛你》後，阿Lam即向Karen說：「你知唔知為咗你呢個show咁晏先出嚟，我已經瞓咗一日。」Karen聽罷即笑說：「我知你好早瞓，但乜唔係好開心㗎咩可以夜瞓？通常啲細路仔好鍾意夜瞓。」隨後阿Lam即道：「又話我細路仔，又話由細聽到我大。我同你Daddy同校，但佢大我啲啲，你唔好叫我Uncle Lam、林伯。」Karen聽到後即乖巧回應：「咁我叫你Lam哥。」阿Lam又表示自己很喜歡Karen的演唱會，因為不用講太多說話，而且比自己的演唱會講得更少。Karen在台上又透露：「其實我同Sally（葉蒨文）熟熟地，本來想請你哋一齊嚟。」阿Lam即佻皮說：「邊個Sally？」引得全場捧腹大笑，就連Karen也笑逐顏開說：「原來唔係好熟咋？今日唔好意思咁貪心請晒你哋，既然你嚟到，我想唱隻Sally嘅歌，當送俾佢好嗎？然後再唱你嘅歌。」然後音樂響起，二人即合唱了《零時十分》、《追憶》、《最愛是誰》及《分分鐘需要你》，讓現場樂迷大飽耳福。
Karen見到林子祥超興奮。
除了阿Lam，Karen在這次最後大型個唱中，亦邀請了不少好友參與，其中一段加入了中樂元素，以大型歌舞演繹《DIVA》及《幻聽》的部份，Karen便邀請了香港中樂團的錢國偉及袁譽珈分別演奏大鼓及嗩吶，而錢國偉與Karen早在年青時因參與香港青年中樂團已認識，所以今次得到好友力撐，Karen十分感動。
+12