【十大中文金曲】太極雷有曜歸隊 林子祥捱眼瞓頒獎：睇住佢哋大
撰文：陳奕熙
出版：更新：
太極難得集齊七子。（黃國立攝）
《十大中文金曲頒獎音樂會》除了有丁噹驚喜現身，還有「金針獎」得主太極樂隊的演出，最難得的是，太極少有地集齊七個成員，七人即場演釋多首名曲《紅色跑車》、《暴風紅唇》、《Crystal》，而唱到《迷途》時，雷有曜更突然出現。
太極表示其實太極一共有8個人：「就係Joe Tang，鄧祖德先生！佢以為經理人好好搵，其實係錯嘅！」他們又表示感謝港台給他們機會8個人齊齊整整，Gary又講到：「多謝陪伴我們30幾年的歌迷、朋友、親戚。成軍嗰年1984年，距今32年。我諗都冇諗過夾BAND可以夾32年，拿埋金針獎，這不是奇跡，而是神跡。」
太極表示經理人Joe Tang亦是太極一份子。（黃國立攝）
特別從加拿大回來的雷有曜就表示：「感謝主，由此至終，由開始新人獎，最尾的金針獎，我一陣返加拿大，但我會仍然留意佢哋嘅狀況係點樣。」而Ricky就講到最初媽咪不支持他玩音樂，後來認識了一班兄弟、出了碟：「我媽咪唔敢再話我，多謝太極所有成員畀機會我加入太極打鼓。」
HiFi德則鼓勵後輩：「只要你哋堅持夢想，唔好放棄，希望係嚟緊個幾十年，都會有屬於你哋嘅金針獎。」最後更說到：「我希望太極一生不要說別離！」
至於頒獎嘉賓就由林子祥擔任，林子祥笑言太極問他可不可以頒獎給他們：「佢哋話因為我睇住佢哋大，啱啱後台好多人問我瞓未？」他更大讚太極是「真的漢子」！
太極的「金針獎」由林子祥頒發。（黃國立攝）