胡楓演唱會︱修哥稱喉嚨抱恙影響發揮:好番啲嘅話會做到九十幾分

撰文:劉傳謙
出版:更新:

《胡楓約你開心派對2021》演唱會昨晚(19/6)在紅館完滿落幕,會後修哥走到後台接受傳媒訪問,期間薛家燕及羅蘭也主動回到後台與他合照。

家燕姐、修哥和羅蘭姐在演唱會後一起合照。(葉志明攝)

雖然一眾嘉賓都十分佩服修哥的表現,但他坦言今次收到喉嚨不適影響,表現大打折扣:「老實講,今晚只係畀自己七十五分,如果我個喉嚨好番啲嘅話,我會做到九十幾分。可惜喉嚨唔係咁好,所以得返七十幾分。」被問到家人有否特意煲湯水,幫助自己養聲,修哥指:「佢哋有煲蘋果雪梨湯,就連梁家輝都煲嚟畀我飲。」

修哥稱今日喉嚨不適影響發揮,因此只能給自己75分。(葉志明攝)

修哥眼見疫情下經濟不景,但昨晚依然全場爆滿,他直言感到非常高興,要向今晚到場的嘉賓、台下捧場的好友及在場觀眾說聲謝謝。被問到日後會否有意再搞演唱會,他直言:「梗係想啦,我依家上咗癮添呀!我希望有機會就開多次,再有機會就再開多次。」

今晚舞台巨星雲集:

+5

被問到今日父親節如何慶祝,修哥指雖然有工作在身,但已經預留時間給子女:「凡係過時過節,我都係交畀後生搞,我就唔係好理,佢哋搞成點就點。(佢哋有叫你唔好約人?)係呀,呢個就真係嘅,不過我聽日(今日)都要返TVB開工,做完就返屋企過父親節。(以為你有得放假唞下。)人在江湖,身不由己,冇所謂啦!有得玩就可以啦!」

雖然明天仍有工作,但修哥已經預留時間給子女,一同慶祝父親節。(葉志明攝)
發表評論...