Serrini演唱會|唔強求MIRROR成員做嘉賓:好似林生咁唔肯就唔請

撰文:劉傳謙
出版:更新:

「陀地歌姬」Serrini(梁嘉茵)一連三晚在九展舉行的《I'M (NOT) FINE, THX LIVE 2021》在昨晚(20/6)完滿落幕,她隨後接受《香港01》訪問時指十分享受舞台:「同樂手夾咗好耐,大家都好熟,我哋一齊當係一個派對咁玩,同現場觀眾都玩得好開心。」

Serrini演唱會完滿落幕。(劉智源攝)

談到三晚來的嘉賓陣容,她特別提到自己非常享受在頭場與獨立音樂人Luna Is Bep合唱,認為這次合作背後意義重大:「我記得at17幾年前都係請咗幾個好年輕嘅女仔做演唱會和音,佢哋同時都會做埋嘉賓,我覺得好驚訝,原來我可以透過呢個舞台推介一啲新嘅音樂單位畀人識。其實我有諗過呢幾場都係搵一啲獨立音樂人做嘉賓,於是請咗Luna Is Bep,之後認識到Janice(衛蘭),覺得佢好可愛,好想搵佢做嘉賓,而我呢個花痴又想請Anson Lo(盧瀚霆),點知又真係畀我請到。」談起今晚的「神秘嘉賓」林家謙,Serrini笑指:「林家謙呢個路人呀,好感恩佢可以上台陪我哋唱歌囉,不過佢因為冇化妝,所以我冇當佢係嗰個level。」

Luna Is Bep擔任頭場嘉賓,Serrini認為自己能藉舞台介紹更多新聲音,更曾經打算三晚演唱會都邀請新晉歌手做嘉賓。(資料圖片)

今晚Serrini能與Anson Lo一起同台,期間更貼身一起跳舞,然而她在過程中點到即止,未敢有攬身等更親密的身體接觸,她稱:「因為我唔係好識跳舞,但係佢係舞王嚟嘛。其實我已經將雙手攤到好闊,但係喺觀眾眼中都係唔識跳舞嘅人。我內心其實係好澎湃,雖然肢體語言好似係害羞。」早前Serrini已經與姜濤和陳卓賢合作過,被問到最想與哪一位MIRROR成員合作,Serrini坦言:「原來可以揀㗎?咁咪好似填表格咁,十二個都剔晒,不過最緊要係問咗花姐,睇下佢哋嘅行程先。同埋我好尊重佢哋嘅意願,如果佢哋願意嘅當然可以嚟啦,如果唔願意嘅,好似林生咁,我就唔邀請,但係本身口講話唔願意,但係佢自己又想上嚟嘅,咁都可以呀。」

+6

被問到下次舉行演唱會會否有新搞作,Serrini笑說:「我有啲期待,但係我一路做演唱會就會諗,究竟有啲咩平時好想做,但係又做唔到嘅嘢,可能係真人實況嘅喪屍打鬥,如果疫情好返啲嘅話應該可以試下,或者喺泳池搞?或者係喺泥漿摔角?呢啲我都好想試,但係好似太多gel甲,所以比較難啲。」

問到日後音樂會上的新嘗試,Serrini在腦海中已經有很多想法。(劉智源攝)