施匡翹首度挑戰跳唱歌大騷長腿　克服恐懼玩火拍MV：為效果豁出去

施匡翹（Zaina）今日以全新形象為第一首唱跳新歌《Stay》拍攝MV，Zaina突破過往乖乖女形象，以野性造型大騷46吋長腿，在兩位性感女舞蹈員伴舞下勁騷唱跳潛質，令人眼前一亮。

Zaina對新歌《Stay》玩大突破，感到滿意及開心：「我以形象比較斯文清新，今次試下野性感覺扮惡魔，想給大家新鮮感覺，今次MV唔止有呢個野性造型，仲會有好多個造型，仲有宮庭feel，仲有一場戲玩火，啲火好近，其實我好驚火，不過拍得好靚，為了效果豁出去，最後成功克服恐懼。」

Zaina表示一向好鍾意跳舞，一直好想有一首屬於自己的跳舞快歌，她感謝唱片公司及經理人公司給她機會：「我知道市道好差，我仲有機會錄新歌，覺得自己好幸福，好珍惜。」