炎明熹首唱出道作 稱表現僅僅合格勇氣可嘉:有啲音唱得唔準

撰文:劉傳謙
出版:更新:

炎明熹(Gigi)在周一推出新歌《真話的清高》,正式加入樂壇。今日(22/9)現身荃灣出席商場活動,除了唱《守望麥田》外,更首度公開獻唱出道作,隨後更向「Gi炎粉」(Gigi粉絲稱呼)送上口罩,作為中秋節禮物。

Gigi今日與冼靖峰、文凱婷、孫漢霖和蔡愷穎一同出席商場活動。(陳順禎攝)

首唱新歌表現僅僅合格

Gigi活動後接受《香港01》訪問,談到今日唱新歌的表現,她認為只是僅僅合格:「其實我頭先唱嗰陣係唔知sharp(高)咗定flat(低)咗,總之係有啲音唱得唔準,所以10分滿分嘅話,我畀自己5分。可能係新歌,加上係自己第一次現場演繹,所以都真係勇氣可嘉,哈哈,所以畀多0.5分自己。」

談到第一次唱新歌的表現,Gigi以「勇氣可嘉」來形容。(陳順禎攝)

說起今次新歌,Gigi坦言非常難唱,也令自己在錄音上花了不少時間:「我唔係好擅長唱呢啲爆發性嘅真音,但係呢首歌係有,所以會覺得好難,我都要錄咗好多次,之後原來嗰一take係成功,就決定用咗佢。」縱使新歌難度高,但Gigi指當時只有很少時間準備:「其實我收到首歌嘅時間唔係好長,只係練咗一陣就要去錄音。之後錄咗好耐嗰個真音都未成功,之後錄咗好多次開始純熟啦,咁就成功。」

Gigi指自己不擅長唱爆發性真音。(陳順禎攝)

專心上課兼顧學業

開學後,Gigi要把握放假時間宣傳新歌,例如今日要在電台訪問後馬不停蹄地趕到現場,她坦言會感到疲累,不過會有種充實的感覺,事前也預備充足時間用餐,例如今早已經吃過一頓豐富早餐,可以留待晚上工作完畢後再吃晚飯。問到如何兼顧學業、工作,Gigi指自己在課堂上要更自律:「我盡量上堂嘅時候專心啲,唔好再瞓覺。雖然係會有啲攰,但係會趁小息趴喺枱度休息。放學有咩活動要做就做,適當嘅時候就會休息,其他時間就專心啲做嘢。(以前上堂會瞓覺?)有時啦,但係呢樣嘢唔好學,因為咁做係唔啱嘅!依家要讀好啲書。」

Gigi以前上堂會瞓覺!?(陳順禎攝)

雖然Gigi明白開學後要爭取睡眠時間,但她卻在睡眠上有「拖延症」:「有時本身可以11點瞓,但係自己鍾意喺度拖,拖拖下就12點,大家唔好好似我咁,要早睡早起。(點解遲咗瞓?)我係會唔知點解有啲原因,成日都會搞到我同自己講『等陣先啦』,其實我都唔知點解。」最近Gigi也與其他《聲夢》學員一起拍劇,她指在其他人面前做戲會感到尷尬,因此在熟讀劇本以外,自己也要變得更加勇敢。

點擊圖輯,重溫今日現場情況:

+5