龔柯允新歌《Sing A Live》做Rock妹圓兒時夢:細個係好想夾Band

撰文:陳栢宇
出版:更新:

龔柯允(Karen)最近推出新歌《Sing A Live》,更以「Rock妹」造型在天台拍MV,大曬型格魅力。提到Karen甚少演唱搖滾風的歌曲,她接受《香港01》訪問時坦言是新嘗試:「一個Indie Rock嘅感覺,唱出我對唱Live嘅態度,因為之前都好多人話我歌唱得技巧冇感情,所以嗰陣時都有唔開心,亦都係匿埋唔知點樣去面對、做好佢,但後來諗通咗,好想做到唱歌嘅極致,除咗基本功之外,每一首歌都會擺足感情落去,而自己個人都想『Alive啲』。」

睇睇Karen有幾Rock:

+12

Karen又指今次與新樂隊班底合作非常過癮:「佢哋背景好得意,都有啲過去,而家就從良,哈哈!我哋揀咗天台拍MV,係因為覺得做音樂係好純粹,唔需要好華麗嘅舞台、佈景,有一種好返去初心嘅感覺。(連個打扮都好Rock!)係呀,之所以用一個Rock嘅形式去呈現呢件事,係因為我細個係好想夾Band,但係我係冇夾過Band嘅,成日見到人哋咁做,就覺得好羨慕,除咗畫咗個比較Smoky嘅眼線,衣着都又皮又金屬,未至於Rock到極端,成個造型都留番啲女仔Feel、我嘅成份喺裏面。」