黃偉文分享《獎門人》歌詞手稿 感激TVB:得人恩典值得千年記

撰文:劉傳謙
出版:更新:

填詞人黃偉文(Wyman)繼續透過「Y手稿」,在社交平台分享創作點滴,他在今日凌晨上載一份名為《嘩!》的歌詞手稿,正是大家耳熟能詳的《超級無敵獎門人》主題曲。他直言:「就咁一個嘩字加個驚嘆號做歌名當年嚟講都算大膽兼黐綫。」就連林二汶也不禁留言:「才華洋溢到哩(呢)個地步!」

當時Wyman初出茅廬,就得到為這個TVB經典綜藝主題曲填詞的機會,他也不忘感激當時TVB給予自己機會:「我還是很感激當時TVB某個我不知道是誰的人給我機會(呢度唔係姑諱其名係真係唔知),初入行當填詞人的我很需要這種曝光,雖然其實也不是說我當時的我有挑選工作的資格哈哈,事實上也沒有多少人留意到我這個創作哈哈哈,但得人恩典還是值得千年記的。」

Wyman感激TVB給予機會。(視覺中國)

副歌歌詞成《獎門人》換主題曲主因

Wyman又指這首並非自己最自豪的作品,但副歌部份至今仍念念不忘:「我至今還是很喜歡『俾獎金/數百萬當係碎銀/俾奬品/厚禮是燈燈燈櫈』這兩句(還有連續三個『俾獎X』的句式),有生之年自己都應該比較難遇到這種『啱啱好』的旋律去超越自己了吧?」

曾志偉早前接受專訪時也談起《獎門人》換主題曲的原因。(葉志明攝)

不過這句歌詞,也是曾志偉決定要換主題曲的一個原因,他早前接受《香港01》專訪時解釋:「我做完第一集之後,發覺出街好多家長拖咗個四、五歲小朋友,唱住歌畀獎門人聽,『數百萬當係碎銀』,好開心。嗰時我發覺,點會數百萬當係碎銀?我點會教啲細蚊仔講呢啲嘢?唔得!我發覺我自己有問題,第二年我就改咗隻歌『I love you & You love me每個禮拜一次 我愛你』,小朋友應該唱呢啲歌架嘛。呢啲就係我哋做節目之餘,我哋要關心,節目變咗老少咸宜,家長就會放心小朋友去睇,因為佢知道我哋係發放正能量畀啲小朋友,佢唔會喺節目學壞。」而志偉口中的所說的新歌詞,就是出自《天下無敵獎門人》主題曲《天下無敵我愛你》。

+11
你可能感興趣