朱咪咪開騷一腳踢　不介意非大製作被睇低：大歌星都係開四面台

朱咪咪於紅館舉行一連兩場「朱咪咪利利是是演唱會2017」的頭場，在台上咪咪姐談起今次是最後一次個唱，她笑言有記者朋友問她不再開騷是不是有病:「佢哋叫我有大病要講。」她直言自己不是有病，只是開一次騷有好多事要處理，希望自己下半生舒服啲。

咪咪姐表示好多人都話以前不離不棄的是夫妻，現在不離不棄是手機:「我現在用手機就是打出打入接生意，我早幾個月才學會用Whatsapp。」她直言好多工作都要一腳踢，她又感言自己沒有簽大公司，沒有靠山:「唯一靠山係TVB，我冇經理人，我知同行好多人睇唔起啲演唱會仔，因為唔係大製作，但唔緊要，最緊要我自己唱歌，有自己人嚟聽下歌，大同細有咩所謂，再大嘅歌星都係開四面台，開唔到六面，最緊要愛護我嘅朋友開心。」接着她說到早排聽譚詠麟做電台訪問，點唱了兩首歌，覺得選得很好，並即場唱出兩首歌《始終都是好朋友》，《玩下啦》。