叱咤2021|炎明熹對錯過新人合照感可惜:可以剪我個頭key返落去

撰文:劉傳謙
出版:更新:
2021年樂壇新人在叱咤頒獎禮記招先來大合照,不過炎明熹要在活動後才到達現場。(陳順禎攝)

商台今日(8/11)在昂坪市集,為《2021年度叱咤樂壇流行榜頒獎典禮》舉行記招,不過炎明熹(Gigi)因為要上學,待活動結束後才趕到現場,錯過與一眾新人合照和見面的機會。Gigi坦言感到可惜,希望下次有機會再一起交流,又不介意歌迷key圖:「我覺得可以,但係要大家得閒先好做,可以剪咗我個頭key返落去。」

雖然要上學,但Gigi事前與學校溝通過,放學後即坐纜車到場。談到今年對贏新人獎的信心,Gigi希望一切隨緣:「唔好話有冇信心,我淨係想攞經驗,希望成件事順其自然。(記者:一生人得一次機會攞。)係咩?可能啱啱放學之前做數學,聽唔明,做到瘟瘟沌沌。我係想攞獎嘅,但係真係順其自然。盡力做好每一件事情,尊重每一件事情,咁就最好。」

Gigi對新人獎順其自然。(陳順禎攝)

Gigi又希望當晚可以盛裝打扮,出席頒獎禮,又希望與Chantel齊齊感受現場氣氛:「大家都係好姊妹,除咗Chantel,我都好想同其他隊友同戰友一齊去每一個活動。」她透露劇集《青春本我》拍攝接近尾聲,雖然未知往後會否有時間休息,但開始不捨得過去合作過的工作人員離開。

Gigi想與Chantel一起出席頒獎禮。(陳順禎攝)
你可能感興趣