炎明熹與胡鴻鈞合唱 讚大師兄係暖男：佢企喺我隔離令個心安定返
撰文：劉傳謙
出版：更新：
無綫（TVB）歌唱節目《聲夢傳奇2》日前完成招募，今日（14/11）在將軍澳一個商場舉行初選。炎明熹（Gigi）與姚焯菲（Chantel）、鍾柔美（Yumi）等9位《聲夢》畢業生以師兄姐身份登場，也與其中10位《聲夢2》50強選手交流心得。
現場設祝酒儀式賀Gigi、Chantel和Yumi出道後得到好成績，星夢娛樂行政總裁何麗全一同上台，以果汁代酒。（梁碧玲攝）
10位《聲夢2》50強選手現身。（梁碧玲攝）
Gigi在活動後接受《香港01》訪問，她對今日能重遇部份參賽者感到高興：「之前我喺出面比賽嘅時候遇到某啲參賽者，有啲參賽者係來自同一間歌唱學校。好開心可以見到佢哋，大家都為自己嘅夢想追一把。（見到有接班人？）唔係，只係諗到以前我都係透過比賽累積經驗，到今次都可以見到佢哋，證明佢哋嘅夢想冇破滅到，希望大家繼續加油。
Gigi在活動中與昔日戰友重遇。（梁碧玲攝）
最近Gigi與大師兄胡鴻鈞（Hubert）推出合唱歌《愛是帶種缺陷的美》，她稱讚對方風趣幽默，是個暖男，與他相處時會感到愉快。問到何時感受到暖男一面，Gigi回想起之前在奧運活動時的一幕：「有次上台之前發緊夢，唔記得咗要喺台上面講一番說話。我覺得驚慌失措，好不安，而佢就企喺我隔離點頭，令我個心安定返，記得返自己要講咩。」說到《真話的清高》先後贏得兩個電台冠軍歌，Gigi直言非常開心，感謝各位歌迷支持新歌，往後會繼續加油做出好成績。
Gigi大讚Hubert係暖男。（資料圖片）