【專訪】樂印姊妹情人節各自精彩　駱胤鳴講男友：冇驚喜我會嬲佢

SiS樂印姊妹即將於九展舉行「SiS cappella Dream Concert」，樂印給人的感覺一直都非常正能量、小清新、文青……而其實樂印姊妹也是有情歌的，好似《愛phone了》和《520》等等都是開心情歌，對上一首新歌《新世界》亦加入了有關愛情的歌詞。適逢情人節，樂印姊妹就嘗試用「樂印Style」為大家送上《愛你》。
攝影：黃國立
髮型及化妝：Rita Leung
服裝：Tout a coup@it
場地：Artbeat Plus

妹妹駱胤鳴（烙印）向來拍拖都拍得相當高調，談到今次開騷男友可有甚麼表示？烙印笑言自己一開始知道要開騷喊了很久，一來時間緊逼非常緊張，二來想起同事的支持，不想辜負大家期望：「我將成件事講咗畀男朋友聽，佢就即刻摔我，話咁你啲時間要點樣分配啦，要早啲瞓唔好打機啦，仲睇實我啲WhatsApp上線時間，睇住我幾點瞓，瞓之前又要WhatsApp佢。」雖然烙印講了很多男朋友對她的限制和指導，但烙印一臉幸福的說着，似乎相當受落呢。

記得之前烙印之前有講過男朋友也是半個圈中人，今次的音樂會男友可會落手幫忙影相拍片之類？烙印笑說男友一聽到提議即時耍手擰頭：「佢話唔好搞佢啦，你哋個啲專業人士做啦，難得公司畀咁多錢你哋做，緊係用公司錢啦。」擁有一個精打細算的男朋友，烙印更稱男友是自己的「Guide」，因為對方會拍引自己的方向：「所以夠架喇，唔好畀咁多壓力我。」

至於兩人的情人節會怎樣過？首先，無論拍拖無拍拖都要向情人節大餐Say NO!「因為要減肥。」不過兩姊妹似乎就同人唔同命，有拍拖的妹妹放了近個半月來的第一日假，更會和男朋友去玩：「本身係想去睇伊藤潤二架，但係…依家唔知呢，到時先諗啦，情人節難得大家有一日假，佢應該會有驚喜畀我架喇，我估…除非冇，冇我會嬲佢㗎喇，然之後擺上Facebook。」

而要過單身情人節的家姐就選擇過有意義的一天，中午會先去中學教A cappella，更笑言有信心收到朱古力：「因為我記得我細個嗰時冇拍拖，但女仔都會整啲朱古力，會送畀同學同老師，咁我諗我都會收到。」而晚上就要為演唱會繼續勤加練習，「睇下會唔會做Facebook Live啦！