叱咤2021｜姜濤唱《Dear Ｍy Friend,》感觸落淚：好似好樣衰
撰文：陳芷穎
出版：更新：
《2021年度叱咤樂壇流行榜頒獎典禮》昨晚（1日）圓滿結束，MIRROR掃八獎成終極贏家，姜濤冧莊奪「我最喜愛的男歌手大獎」以及憑歌曲《Dear Ｍy Friend,》奪得「我最喜愛的歌曲大獎」。他在台上發表得獎感言時高呼「我哋一定會係亞洲第一」，姜濤接受訪問時表示對香港樂壇的每一位成員充滿信心：「希望成個香港樂壇可以做好音樂，相信呢個目標遲早一定達成到，對在座樂壇每一位成員都好有信心。」
姜濤冧莊奪得兩大「我最喜愛」獎項。（鄺鈺瑩攝）
再次奪得兩大「我最喜愛」獎項，姜濤依舊感到非常驚喜：「覺得自己有好多不足地方，每次攞獎都係好大驚喜。雖然上年有拎呢個獎，但每年都係新開始，希望用好嘅作品證明值得拎呢個獎。」演唱《Dear My Friend,》時，姜濤更一度感觸落淚，他笑言覺得自己很醜樣：「會諗起以前嘅朋友，覺得唔係好好意思，睇下Playback先，好似好樣衰。」
+3