【黎明演唱會】臨完騷爆長編金句 嫌香港人太冷漠:費事打招呼!

最後更新日期:

Leon突然感觸講了很多說話。(符祥定攝)

《黎明Leon's Penguins in Live 2017》臨近尾聲,黎明(Leon)突然心血來潮講了一個長篇金句:「發現個問題,依家丟垃圾同以前丟垃圾有個好唔同嘅地方,唔關錢時,係關個情懷事。」Leon即時唱了幾句舊廣告歌「笑一笑世界更美妙」,他表示有次在朋友屋企,見對方想倒垃圾,但未倒就回來:「佢話要等隔離嗰個倒完先倒,費事打招呼,又諗起係踻,去唔同屋苑,真係架喎,有啲人行過就直接過,以前見到啲婆婆都會Say hi,依家hi同笑都冇埋。」

Leon希望大家多關心鄰舍。(符祥定攝)

Leon又講到有次新年和司機傾偈,司機話現在很多人新年都不會去拜年,連利市都慳返,整個wechat、whatsapp就算:「其實唔緊要嘅,唔好等人倒(垃圾)完先倒,咪一齊倒Say個hi,識下隔離咩人都好吖嘛,唔睬你既,你心裡可能有自己方式處理,可以藐佢,或者更嚴重嘅,可以自己取決,不過唔好講出嚟,費事有嗌叫。」其實Leon講了很多,都只是想表達一件事,就是希望有一個更溫暖的社區。

居然用倒垃圾帶出,溫暖的社區。(符祥定攝)

而唱完《指日可待》之後,Leon又問:「大家凍唔凍」之後叫fans「你哋小心手機 ,即使而依買手機好平 。」在送上最後一隻歌前,Leon又講到讓大家在寒冷的冬天迎接夏天,並唱出《Sugar In The Marmalade》,唱畢後雷頒德表示Leon 不會Encore,但讓他的朋友來,到底是哪個老友呢?

明福俠登場!(符祥定攝)

就是「明福俠」!雖然雷頌德這個朋友可能會飛出來,但其實明福俠還是非常「貼地」的,Leon行出來後,就將頭盔除掉丟到下台,又問大家:「今次冇幸運大抽獎去坐摩天輪,同埋無特別禮物,你哋係咪冇投訴?係咪真係冇投訴,真心多謝來自不同地方支持我嘅朋友。其實大家好似買彩票咁,如果落雨同大風,大家都會有個風險。」他又表示真金白銀買了「Dragonland Music Festival」的其他票,會給今晚有來的觀眾,大家可以回去檢查e-mail。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。