MIRROR｜Edan出場遇小意外 鋼琴及咪冇聲臨危不亂即場棟篤笑

MIRROR的12場紅館騷今晚（25/7）正式開鑼，演唱會約到晚上10時45分，Edan以黑馬王子造型型爆出場，準備自彈自唱時發生小意外，鋼琴以及咪均沒有聲音。他臨危不亂先向觀眾揮手打招呼，工作人員隨即上台幫忙，擾攘約兩分鐘依然未修復好，Edan立即發揮搞笑本式表示：「咁好畀機會我講嘢，意外成日見到，我哋有嘅係時間。」他再問觀眾：「演唱會邊一Part最好睇？」，觀眾拍手大叫：「Edan」，他大讚醒目指：「12場得呢場係咁，其他11場唔會俾佢再發生。」

Edan隨後再自彈自唱《E先生連環不幸事件》，以及與Anson Lo合唱《Apple Pie》，兩位以一黑一白的西裝造型自彈自唱，冧得現場觀眾拍爛手掌。