【專訪】菊梓喬加盟新公司曝光激增:起碼啲人認到我係唱歌

撰文:陳奕熙
出版:更新:

菊梓喬(Hana)有着一過不怎麼愉快的童年,13歲開始輟學、努力工作苦養妹妹,在未成年之前,從不敢說「夢想」兩字,直到30歲終於和夢想「相遇」,得到創富文化賞識簽約成為歌手,走入了屬於她的童話國度。
攝影:符祥定
服裝:triangulo
場地:Partyland

Hana剛在年頭加盟星夢娛樂。

2016年年尾,出道半年的Hana在各大頒獎禮上成績不俗,更在勁歌金曲頒獎典禮上得到「最受歡迎新人獎 銅獎」,而在頒獎典禮的兩日後,Hana更突然高調加盟星夢娛樂,遙身一變成為大公司的新寵兒。問到加盟的過程,Hana笑說「首先依一樣嘢呢,我都唔係好清楚,係公司傾嘅,我中間都唔係好知,到佢真係傾成咗先告知我依件事。」

對於Hana而言,這份可謂2017年最大的禮物。她過去推出的歌《傻瓜裡的童話》、《今天的我》和《七歲》在上架星夢YouTube Channel後,在短短幾個月內得到6位數字的點擊率,而其人生中第一首劇集歌《一輩子守候》更突破100萬點擊。

問到可有因此而豬籠入水?Hana笑言:「講錢就真係傷感情......」

街頭「告白」點錯相

受寵若驚的Hana直言雖然沒有直接影響收入增加,但卻帶挈她有更多的機會:「我仲係好新,出到街都冇人識我,冇人搵我做嘢係正常,係定律嚟,但機會多咗好多,我唱咗第一首劇集歌啦,一至五係咁播,多咗係街嘅朋友認識。」

不過Hana自爆在街上遇到的「粉絲」其實絕大部分也是食「詐糊」:「有時係街會有人指住我話唱歌嗰個啊,其實我問清楚係咪講緊我啊,好多人都認錯咗我係第個人,但都冇所謂,起碼佢哋認到我係個唱歌嘅人,對我來說已經好好。」

面對公司的其他歌手,Hana笑言大家都有自己的特性,不怕比較。

星夢是TVB的附屬唱片公司,旗下歌手都是音樂電視雙線發展,每個都有不錯的人氣,好似鄭俊弘、胡鴻鈞、許廷鏗,和正在放產假的吳若希等,Hana作為新人如何可以在他們之中脫穎而出?Hana表示:「新人時好多時都會畀人問你有咩特別,我成日都覺得每個人都唔同㗎,每個人都有自己性格,因為細到大學嘅嘢都會造就咗今日嘅佢,喺每個人都係咁唔同嘅情況下,點比呢?」

Hana承諾加入新公司後會有更多的創作。

談好多時大公司的音樂都會比較商業化,可會限制到Hana的創作?Hana自言個人創作傾向Indie風格:「新公司老闆都好鼓勵我作多啲歌,我本來唔鐘意寫愛情嘢,《七歲》是關於屋企,《傻瓜裡的童話》是紀錄我抑鬱症的時間。」她又談到雖然作品似乎比較負面,但其實自己現在正能量爆燈。

Hana又表示過去的使命是照顧妹妹,做Artist之後又多了另一份使命感:「因為我有個唔好嘅過去,好多人都可能有我依個經歷,或者自己出世唔係贏在起跑線,我哋可以點面對,依個香港、世代好多人會怕自己乜都冇、冇父蔭個啲,但我衰啲講我乜都冇,咪又係可以做到歌手。」