聲夢傳奇2|冠軍誕生擔心被「爬頭」? 炎明熹:點解要驚呢?

撰文:林迅景
出版:更新:

TVB音樂選秀節目《聲夢傳奇2》今晚(02/10)決賽,冠亞季軍將會於趙紫諾(Sarbina),趙小婷(Pamela),黃洛妍(Janees),任暟晴(Jasmine)和XiX,5強之中誕生。上屆冠軍炎明熹(Gigi)擔任今晚《聲夢傳奇2》嘉賓,她表示沒有特別睇好任何一位參賽者,不過她就表示自己偏好少女組合XiX。

炎明熹嘅回答依然好「火星人」。(梁碧玲攝)

她接受《香港01》訪問,解釋說:「我見到有我師妹喺入面,同埋識大家嘅時間多啲,所以我就揀咗XiX!」今晚將會誕生冠亞季軍,會不會擔心被「爬頭」?她直言:「大家一齊努力!點解要驚呢?」

XiX殺入5強,好緊張。(梁碧玲攝)

她表示,將來的計劃還是唱歌和讀書。她說:「因為兩樣都好重要!」她還透露自己即將灌錄新歌。她說:「唔講畀你聽。今年定下年就唔清楚,不過即將會錄。心情都有啲興奮,應該大家都冇聽過,係另一種感覺。」是什麼類型?她仍表示要保持神秘感,堅決不透露。

炎明熹(Gigi)出席《聲夢傳奇2》決賽。(梁碧玲攝)

炎明熹(Gigi)即將升讀中六,預備考DSE。她就表示會唱歌、學業都兼顧。她說:「工作壓力偏少,因為而家DSE,所以盡量做得幾多得幾多。我就未話睇定邊間大學,但係自己想讀音樂、時裝設計。我成日都話,讀書嘅嘢未必喺音樂學到,音樂嘅嘢未必喺讀書學到,希望可以兩邊兼顧,平衡到。」會不會專注其中一樣?她回答:「順其自然。」