曾比特自爆北上發展半年感不安:一個人喺內地好多環境都唔熟悉

撰文:吳子生
出版:更新:
曾比特和炎明熹今晚出席表演項目綵排。(葉志明攝)

曾比特去年簽約環球唱片正式出道成歌手,推出多首大熱情歌,更於今年初開始進攻內地市場,先後亮相TVB及內地節目《聲生不息》和《披荊斬棘》。在北上工作的曾比特疑不堪壓力,大爆公司只委派一名助理跟班,去到《披荊斬棘》中段更抽起該名助理,令所有事情都要他親自與節目組交涉,甚至連宣傳影片都要他親自操刀,相反其他參加者的公司就全力幫旗下藝人,他曾經向公司表達不滿,卻不得要領,事件令他萌生去意。

曾比特今個月頭2日從內地返港。(葉志明攝)

今日(17/11)曾比特現身電視城出席「聲生不息福祿壽」表演項目排練時,就事件接受《香港01》訪問時說:「其實今次對我嚟講係一個好大嘅學習,因為讓我更了解佢哋認識佢哋,令我點樣去同佢哋去溝通,呢個對我嚟講係一個幾好嘅經驗。(當時要獨個面對所有事情,是否未及適應而引發不滿?)應該咁講,我可以講係不安多,當時我都有同家人同公司分享自己當時嘅感受,因為畢竟自己一個人喺內地,而且好多環境自己都係唔係好熟悉,變咗又要有好多嘢要自己去做,反而令到自己更加害怕。」

曾比特續說:「雖然公司喺香港,可以話遠水不能夠救近火,但佢哋都比咗好多意見我,因為我同公司嘅關係相輔相成。(話你當時嬲嬲豬,嬲有話唔續約?)咁又冇嬲嬲豬嘅,大家識我嘅都知我係一個極容易搓圓撳扁嘅人嚟,我遇到問題,就想知呢個問題點樣去解決,當時喺內地就係唔知道點解決,就去問意見,好多時候都係咁樣,唔可以話係嬲嬲豬,而係實則去解決好多嘢。(公司有冇捉你照肺?)我同公司溝通得好好,大家去互相去了解,反而呢個旅程,大家了解多咗。(對公司仲有冇離心先!)哈哈!離心力就有。可以咁,我同公司嘅關係還可以。」