舒淇馮德倫拍拖睇騷激罕同框撐好友 鄭伊健兩度Encore感動落淚

撰文:關穎賢
出版:更新:

鄭伊健昨晚(27日)在紅館舉行「HERE & NOW 鄭伊健演唱會2022」尾場,與伊健在《古惑仔》電影系列合作無間的劉偉強導演、舒淇和錢嘉樂,分別攜眷捧場。舒淇與老公馮德倫激罕同框亮相,全場觀眾哄動,而錢嘉樂無論快歌慢歌都十指緊扣老婆湯盈盈,甜蜜放閃。另外,還有鄭太蒙嘉慧、黎諾懿、梁釗峰與馮允謙等來支持。

舒淇與馮德倫甜蜜睇騷!
仲有導演劉偉強。
舒淇有在IG上載與老公的合照。(IG/@sqwhat)
舒淇、馮德倫、劉偉強、錢嘉樂及湯盈盈同鄭伊健合照。

去到演唱會中段,台上升起三個火爐桶,伊健表示:「我知好多人對呢個爐好多幻想,我只係諗到燒嘢食啫!」又稱每次看到火光都感到希望亦會許願,他對觀眾說:「每次我都會向火光許願,例如依家,我希望你哋下一次睇演唱會唔使再戴口罩,你哋依家都用幾秒時間去許個願,我相信你哋都會願望成真。」

伊健全晚唱出多首經典歌。
仲勁歌熱舞。
全場high爆!

另外,去到Encore環節伊健繼續「自肥」,他穿上Roller鞋唱《陪你飛》和《你的我》,更上樓梯和落斜路,前後滾動非常流暢。完騷後,觀眾大叫Encore不願離場,伊健破例再次上台,還感觸剖白,表示港人近年不快樂,不互動,隔閡越來越嚴重,令他非常難過,說到此伊健突然停下來背向觀眾,抹抹眼,平伏情緒後說:「我可以做咩?我係一個藝人,一係做戲一係唱歌,既然陳光榮嘅作品可以打動大家,咁我哋就開演唱會。我希望今晚之後大家會覺得,原來戴住嘅口罩只係一個外殼,裏面無改變就得,人與人之間係需要溝通。」伊健以輕快歌《可樂》為一連九場紅館演唱會,劃上完美句號。

伊健好感動。