菊梓喬預告演唱會超性感演出：好怕跳跳吓舞跌咗出嚟見光
撰文：吳子生
出版：更新：
菊梓喬（Hana)今日（16/5）現身葵涌錄音室為「Hanafinity演唱會2023」練歌排練。Hana透露演唱會服裝造型有驚喜，性感尺度爆燈：「其實有幾套衫都好重，都有成7磅重，因為有金屬成分，但當中又好鬼性感，但對於其他人嚟講都係好正常，但對我嚟講就有史以來好大膽性感好似冇着咁，變咗我係覺得冇安全感好驚走光，好怕重要部位會跳跳吓舞跌咗出嚟見光，咁所以我係要着3條打底褲我毛會覺得有安全感，而有另一套衫我係要着夠5條先至覺得安全，變咗衫又重，又要着多幾條褲又跳又唱，真係少啲體力都唔得，咁所以呢排我要儲定啲能力去應付今次嘅演唱，希望到時唔好有啲咩甩漏啦。」
菊梓喬將在演唱會載歌載舞性感演出。（陳順禎攝）
菊梓喬演唱會反應熱烈，將會在5月21日加開一場。（陳順禎攝）