鄧健泓簽公司再戰樂壇兼開騷：不會再被人欺負了！
撰文：許栢倫
出版：更新：
唔知係咪因為TVB節目《流行經典50強》興起，令不少昔日歌手都再現香港樂壇，陳曉東﹑黃翊和孫耀威等等都非常活躍，就連當年出過碟的王喜都再做歌手。日前剛過生日的鄧健泓（Patrick），都會再戰樂壇喇！雖然他近年減少幕前演出，專心為未婚妻石詠莉（Sukie）做音樂，更與她成立獨立公司出碟，原來Patrick的音樂夢一直冇停過，他除了不時返內地登台唱歌及參演舞台劇外，日前終落實加盟蕭定一公司做藝人，不過他仍然保持低調，未有召開記者會交代，又表示Sukie已經約滿離開公司，因此兩人未能同屬一間公司，而自己的音樂路不會太強求，一切隨緣。
Patrick坦言，沒有想過自己是否很Official地宣布回歸樂壇，「有機會就派歌，有碟就有碟，隨緣啦」，不過他透露已經與公司傾過出新歌，「絕對不能急，我覺得要在適合時間出歌才會有用，不過有想過一個Project，做一兩首新歌，再將以往的歌重新編曲。」
Patrick不時在內地登台，早前就參與了《海口鯨魚亞洲音樂節》。
鄧健泓只在網絡上公開消息。
而Patrick在微博提到，簽約新公司後，將會不怕被人欺負，那是否代表以前獨立工作得到不公平待遇呢？他回應指：「作為藝人有經理人傾價錢或工作，或爭取位置都係好幸福的事，我自己出左來做了年半獨立藝人，又做獨立公司，過程中有好多唔舒服的時間，但唔係非常嚴重的，我只係好感恩有經理人公司」。
或許是有了經理人公司的支援，令Patrick的理念得以逐步實現，他透露年尾將會舉行一個中型的演唱會，更直指「已經想好了主題和方向，不過要與導演再三溝通，才正式公布！」