許廷鏗終於離開星夢 自組公司唔使靠大台
撰文：許栢倫
出版：更新：
許廷鏗(Alfred)由《超級巨聲》開始，憑著俊俏外表及唱功深得TVB歡心，於年頭的《勁歌金曲頒獎典禮》奪得「最佳演繹男歌手」及憑《記住忘記我》奪「勁歌金曲獎」，分享完得獎感受就唱足六分鐘歌曲，舞台特效齊全，又升降台又煙火特效，耗費冠絕整晚頒獎禮，可以話錫到佢燶，不過(Alfred)今年因為約滿，而離開了星夢。
許廷鏗在《勁歌金曲頒獎典禮》有6分鐘表演時段，非常深刻。
其實自從上年尾開始，已經有消息話Alfred將會過檔華納，接替柏豪做一哥，可是直至上月正式和星夢完約後，都遲遲未公佈轉會消息，原來Alfred與華納未就經理人合約和唱片發行等內容達成共識，事關Alfred打算自組公司，因此未能正成落實加盟華納。《香港01》就轉會一事致電過Alfred，Alfred承認未落實轉會，仲話有消息先再同大家公佈。
雖然未簽公司，不過無損Alfred心情。
雖然轉會一事未明朗，不過都無損Alfred的心情，繼續在社交網分享近況，仲話母親節一定會開心添！
Alfred母親節過得好開心！
究竟下一位華納一哥，會唔會係Alfred呢？(fb截圖)