70歲鄭少秋開演唱會 為練舞愈來愈瘦:其實好吃力

撰文:史順宜
出版:更新:

有邊個歌手藝人唔想長期keep住靚聲,靚樣,靚身型?!但鄭少秋(秋官)最近似乎為佢自己的「骨感美」所困擾。

睇到「丁蟹」真是瘦了不少。

秋官不經不覺入行半世紀,為慶祝入行50周年,將於本月舉行兩場的紅館演唱會。每日積極為演唱會而準備的秋官,除了要專注舞步仲要為身型煩惱。本身有「排骨秋」之稱的他表示:「最近塊面係削咗啲,可能今次要跳的舞太多,舞步、節奏、歌詞,稍微用神,自然瘦咗。加上保靚聲,平日已少吃油膩、刺激食物,這個月連朱古力、生冷食物,甚至最愛的榴槤也一律禁口,可能食太清,體力消耗大瘦咗。」當問到秋官演唱會期間,太太會準備什麼「溫暖牌」飯盒為他「谷肥」時?秋官表示,太太一定會安排,但暫時未收到「菜單」。這段時間,自己忙排舞練歌,而太太就忙於處理「飛債」問題。

出名做事認真的秋官,早前為準備演唱會在排舞室練舞,相中所見的秋官為練習絕不馬虎。而且落力程度絕不遜於與他一起練舞的十二位dancer。

雖然要為增肥而努力,但秋官表示,自己已經進入最fit狀態,他說:「排舞都排到九九十十,如火如荼。但今次演唱會有很多舞步要記,快快慢慢都有十隻舞,其實很吃力。但我會盡能力做到更好更精彩,落多幾錢心機,排好佢,做靚啲!」