【多圖】艾粒激罕半裸唱無厘頭金曲 當奴:聽我哋啲歌都係另類人

撰文:
最後更新日期:

艾粒昨晚在麥花臣舉行《艾粒拾伍年開光大典》,二人與觀眾互動玩遊戲之後,當奴又穿回性感皮褲裝上場,今次還帶上DJ梁文禮,這對皮褲情侶「Hehe味濃」!梁文禮猴猴擒熊抱着當奴,又強力拉開他背心皮褸上的拉鏈,台下的觀眾以為當奴欲拒還近,誰不知他突然慘叫:「條拉鍊拉到波罅好痛,流血啦!」見到當奴心口紅了一塊,梁文禮立即「鍚返」,果然能成為密友大概總帶著愛。

當奴心口又真係紅晒。(黃國立攝)

當奴畀梁文禮從後騎住,hehe味好濃!(黃國立攝)

+14
+14
+14

最後艾粒當然不少得唱歌娛樂大眾,個個粉絲都站起來一起合唱,就連山頂的朋友都不例外,氣氛高漲熱烈。最後艾粒為大家帶來首本名曲《我我我我我有胸部》,全場 high爆大叫「除衫」,修身成功的當奴毫不猶疑脫下衣服,而瘦底的阿占半推半就之下被當奴脫下上衣,兩個人少有半裸上身,粉絲個個都大飽眼福,原來當奴為了這次開光大典,特意花上一個月操練減肥,由130快減到115磅,若隱若現的八塊腹肌相當誘人!

當奴好大隻啊!(黃國立攝)

當奴仲幫人除阿占衫。(黃國立攝)

兩個人都除晒衫,全場high爆!(黃國立攝)

現場氣氛不斷升溫,艾粒Encore兩次粉絲都未夠喉,還衝到台前起哄,阿占笑言:「你哋係咪返工好多壓力啊,個個都唔肯走嘅!」,艾粒的粉絲多數是八、九十後,掐指一算,又真的差不多都是上班族了,最後艾粒順應民意再出來唱多首《個頭痕唔痕呀?》粉絲才收貨離場。

兩個人騷後直言從沒想過會encore,阿占說:「粉絲不嬲都熱情嘅,今次開埋大光燈,出埋謝幕都繼續係到,我諗佢哋都知我哋開埋呢場唔知幾時再見到。」當奴又話粉絲肯定生活裡有很多壓抑,「聽我哋啲歌都知係另類嘅人,都係聽啲無聊歌,完咗我諗唔知幾時再聽到我哋啲核突歌。今次係特登操肌嘅,因為睇返之前啲相真係太肥喇,同埋年紀大想試吓啲唔同嘅野。」之前四場的觀眾走寶了,因為當奴只有在這一場脫衣服,如果錯過了當奴大好身材的朋友不妨看看照片回味一下,這種身材實在可一不可再。不知道上一場的觀眾有沒有發現,原來阿占前日因為跳舞扭傷膝頭,幸好現在已經沒大礙,他說:「舊患嚟,我去中醫度放咗啲瘀血,好好多喇,所以前晚係冇Encore ,真係對唔住前晚啲觀眾。」粉絲最關心的當然是艾粒什麼時候再開騷,兩人在台上開玩笑說劉德華取消了紅館檔期他們會考慮入紙,事後他們表示紅館開騷是一個「Running gag」,他們說:「其實紅館期不嬲都有,不過我哋做唔到,試過畀我哋,但太急喇,我哋想一年後但佢哋話兩個月後就有期,問我哋要唔要,但我哋真係做唔切。」

大場也好,細場也好,期待艾粒十六周年再開騷。

艾粒encore咗3次粉絲都唔肯走。(黃國立攝)

艾粒真係八、九十後嘅青春回憶(黃國立攝)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。