【一首歌】C AllStar《上車咒》買樓無望　「申請公屋就是大志」

今日晏晝去茶餐廳食飯，從朋友、茶記阿叔、電視機中，我認識咗一個新詞語「海之戀」，聽到呢三個字不停重重覆覆喺我耳邊出現，我不禁問一句：「吓？乜戀話？」原來荃灣新盤「海之戀」開售，短短一個鐘內，一眾準買家已經由售樓處現場排到落天橋，連藝人羅仲謙都有現身。有「新樓收票王」之稱嘅海之戀，不失美譽，首輪已經以倍數超額認購。雖然佢嘅價位同荃灣區內二手市場差唔多，不過講真，最後應該都係益咗一眾炒家。真正想買樓嘅後生仔，我只能夠送一隻C AllStar嘅《上車咒》比你哋，「買樓買車買樓買車」，頂住先啦。

《上車咒》收錄於C AllStar第八張音樂專輯《生於斯》，由C AllStar On仔親自作曲作詞，賴映彤共同編曲，簡監製。雖然不是典型的K歌，但這首題材突出的EDM作品卻在年青族群中廣傳，並得到不俗的派台成績。原因無他，單是「未來三年 我想有個竇」一句已說出了不少人的心聲，可惜就像副歌中那句「買樓買車買樓買車買樓買車買樓買車買樓買車買樓買車」般，無限輪迴也未見終點。