陳柏宇銅鑼灣鬧市Busking 唱新歌《行屍走肉》：未真正玩過！
撰文：鄺鈺瑩
出版：更新：
陳柏宇笑言年年都有plan紅館開騷，仲叫大家耐心等等。
雖然呢幾日天氣持續高溫，但無阻一班歌手玩busking 的雅興，繼謝霆鋒、張敬軒之後，陳柏宇今晚亦驚喜現身銅鑼灣鬧市，與師弟Trekkerz兩位成員一齊Jam歌，一埋位，《沒有你 我什麼都不是》已引來大批路人圍觀，再來新歌《行屍走肉》時，更有兩隻zombie 在旁「伴舞」，看來Jason 為這場不經意的busking 也花了點心思。越唱越開心的Jason ，最後更拉埋剛好在為演唱會造勢的Tonick成員恒仔、Yukilovey、野佬等人一齊玩，明明唔多記得歌詞，都要同恒仔一齊唱《長相廝守》，之後對家邀Jason 唱《足球小將》主題曲時，他又把水樽跳倒，非常好笑。
訪問時，Jason 表示連番表示非常好玩，更指這樣才是一個真Busking 。「之前試過趁墟比人拉去玩，未真正玩過，同埋今日喺黃金地段玩都正。」但問他之後會否繼續busking ，他即笑說：「講咗公司就會安排，都係唔好，我想用一個純粹喜歡、興趣的心情去進行呢件事，唔想刻意咁安排，當然我係好鍾意唱歌嘅。」另外，提到唱入紅館一事，Jason就承認唱片公司確係有計劃。「但唔係我想就可以，要好多東西去配合。我自己其實邊個場唱都一樣開心。」
陳柏宇第一次街頭busking ，吸引不少路人圍觀。