【一首歌】草蜢《華麗舞台》愛舞如命 「此生就不枉你為我著迷」
撰文：彭嘉彬
出版：更新：
睇騷做騷其實都不外乎為開心，不過所謂安全第一。就算想喺舞台上嚟返Part忘情森巴舞，最緊要都係安全。今日紅館騷前冧台，消息指當時台上正正進行緊草蜢嘅綵排，唔少人都好關心草蜢成員嘅狀況，更有成員「戥」親個Pat Pat，唔少網民以為Pat Pat受傷的可能是蔡一傑，事關他對唱歌事業非常重視，每次都落力演出，不過原來係哥哥蔡一智，而蔡一傑同蘇志威都無乜大礙。希望蔡一智快啲好返之餘，最緊要都係送院嘅Dancers平安無事。雖然今晚草蜢三子就唔能夠同台演出，不過聽返首草蜢嘅《華麗舞台》都同樣感受到佢哋對舞台嘅熱愛。
《華麗舞台》是TVB節目《華麗明星賽》的主題曲，由蔡一傑親自作曲監製，何秉舜編曲，林敏驄填詞，屬於2011年的作品。歌曲富有森巴音樂的色彩，透過林敏驄筆下歌詞亦完全表達出草蜢特色，就像《忘情森巴舞》一樣，聽到歌曲自然令人想站起來熱舞一番。