林敏驄作品展要靠樓梯上落　避用舞台中央：係非工業意外嚟！

林敏驄今晚在紅館舉行《35年時日如飛林敏驄腦交戰作品展演唱會》，因為在騷前發生意外，令開騷時間推遲至9:15，不過無損樂迷興緻，全場爆滿！演唱會開始前先播放了群星片段，片中包括有阿B﹑草蜢﹑Alan@Mr﹑C AllStar和Supper Moment等，講述參加這場作品展的原因，直至9:23分才關燈開騷，不過作品展都冇坐過去出事的舞台中央。

第一個登場的就是「主人家」林敏驄，由舞台邊的升降台現身，身穿全白西裝並揹住電結他的林敏驄，繞半場才開始彈出過去的作品，接著樂隊太極率先上台助陣，唱出《Black Magic Woman》﹑《再等幾天》和《香腸蚊帳機關槍》，不過太極上落都冇用升降台，要行樓梯。

《全力扣殺》一眾演員助陣，現場氣氛超正。

唱完一連串歌曲後，林敏驄終開口傾計，問現唱觀眾：「係咪等左好耐呢？ 有少少不滿呀？，對上天不滿好容易解決啫，畀一個字形容你依家的心情！」接著引領全場觀眾大聲說粗口：X！

講完後，林敏驄又笑言：「咁粗俗嘅？下午發生咗非工業意外，希望同事無事啦。」全場觀眾拍掌和應，他又謂可能是上天給他的平地一聲雷，又笑言自己諗住尾場Book舊隕石佈置，怎料Book左舊真嘢整爛個台，他又解釋因為技術問題，升降效果未必讓觀眾看見，但不要緊，因為觀眾最希望都係聽歌。

之後又請來一同拍電影《全力扣殺》的演員上台合唱《來吧！人類要奔放》，包括劉浩龍﹑何超儀﹑梁漢文和邵音音等，其中伊健更Solo《打開信箱》。阿驄又搞笑地叫嘉賓一起走到舞台中央，笑稱係「全場扣殺」。現場氣氛超High，除了隨意爆粗外，更大講有味笑話。林敏驄又叫邵音音做「阿婆」，邵音音還擊問阿驄做乜請外星人整咗個窿，仲話個窿唔駛整咁大，轉數快的阿驄即刻將個波射到伊健身上，阿驄說：「伊健唔話得，一打畀佢就話嚟，當時佢渣緊車，差少少就隊到蒙嘉慧！」有味笑話講不停。