E-kids三子全部封盤 Alan放閃宣佈訂婚：我係百份之百鍾意女仔！
撰文：黃浩晉
出版：更新：
樂壇組合E-KIDS成員Alan(林詠倫)多年來都甚少緋聞，曾經更被另一成員Tim(現名Kasa)質疑性取向。近日Alan於facebook宣佈「已訂婚」，並且今日連出兩個post晒幸福，寫道：「你就是日後勤勞原因，平淡生命亦興奮 #你的男人 #今日咁熱曬D都唔緊要喇」、「Sweet 我唔洗祈福因為我好幸福」。網民均於兩post留言送上祝福。
對於突然爆出「已訂婚」又連環放閃，Alan回覆《香港01》表示自己係時候有一個穩定伴侶：「識咗好多年，一齊咗都一段時間，年紀都唔細喇，事業有番啲起色，都想搵番個穩定啲嘅！」Alan表示自已事業開始上軌道，E-KIDS將會為三首作出埠拍MV，希望讓觀眾明白E-KIDS不再是「搞搞震」；而且自己又與組合EO2成員Eric合作開辦跳舞學校，希望培育下一代。
Alan又講到：「之前冇乜能力，當時做E-KIDS人工唔太穩定，唔敢去肯定畀到啲乜嘢幸福對方。到見到Kasa結咗婚，嚟緊又有小朋友，會唔會真係話（自己）到第二個階段呢，連我自己都冇諗過嘅。」
對方未婚妻的身份，Alan表示：「其實係行外人，咁多年我都收得好埋，唔知點解覺得，好似都係要畀番少少安全感佢。」Alan又提到：「因為我之前做呢行都唔係太方便，都係想保護番佢。其實我可以相都唔貼，不過都咁嘅地步，唔緊啦，點都係要面對嘅，開心嘅嘢都想同朋友分享。」
E-KIDS成員Alan於facebook宣佈「已訂婚」並連出post放閃。(Alan facebook截圖)
(Alan facebook截圖)
另外，Alan曾被Kasa質疑性取向，不過當時只係一句戲言，Alan表示：「唔會嬲佢，我覺得大家工作冇所謂啦，開下玩笑，識我嘅朋友都知我係百份之百鍾意女仔。」
Alan又自爆好多人亦問及自己的性取向：「可能我個樣貌比較中性，有好多人都問我，話我啲動靜好似。幾年前簽公司，經理人都問『你係咪嗰啲』，不過都係講下笑。」
Alan曾被E-KIDS另一成員Tim(現名Kasa)質疑性取向。(Alan facebook圖片)