【一首歌】苗柏襲港惹愁緒　黃凱芹「冷風一般的你沒法讓我親近」

近年香港樂壇掀起懷舊熱潮，有如《靚聲王》，《流行經典50年》等電視節目，令唔少市民可以重溫昔日陪住大家成長嘅金曲，重拾兒時情懷。講到懷舊金曲，一定要提提當年嘅「寶麗金」（現為環球唱片），「寶麗金」盛產多位天王巨星，如鄧麗君，譚詠麟，張國榮，陳慧嫻，李克勤等等，唱出無數膾炙人口嘅金曲。唔知大家又記唔記依家已經移民加拿大，當年有「情歌王子」之稱嘅黃凱芹呢？

黃凱芹當年由港台DJ，到獲得唱片公司高層賞識簽約成為歌手，出道嘅時候首張EP《再遇》已經有雙白金成績，及後亦有唔少經典歌如《傷感的戀人》，《雨中的戀人們》，《蝶戀花》等。雖然當時歌曲大受歡迎，但後來因種種原因，先後與唱片公司及經理人決裂，移民加拿大。偶爾會回香港，內地開騷。

黃凱芹《傷感的戀人》，淡淡唱出失戀情緒，作曲填詞由自己一手包辦。天氣總會影響人嘅心情，「有人會歡喜（早收工），有人會愁」，倒不如聽聽歌，用音樂抒法你嘅心情吧。