Aka送飛吻賀林奕匡生日　好友隔空合奏生日歌：愛全部收到了！

林奕匡(Phil)將為人夫，早前宣佈會在8月底飛加拿大與拍拖9年的女友Riko拉埋天窗。開心事一樣接一樣，6月12日生日的Phil接連收到圈中好友的祝福，昨日更收到一份「神秘禮物」。AGA、JW、馮允謙、Robynn & Kendy、Aka@Super Girls、監製Edward Chan以及樂手陳兆基、李一丁，隔空合奏「F Key生日歌」為Phil慶祝。

這首「F Key生日歌」內容非常豐富，有Aka送上飛吻，AGA與馮允謙自彈自唱，陳兆基出動囡囡獻唱，T-Ma及Nic Tsui更來一小段Blues Jam。有靚人又有靚聲，相信Phil一定很開心。他在facebook留言：「你們實在太正太正！！！由於今晚八號風球，派對開不成，但你們的愛全部收到了Love you guys!」

問到生日片中Aka送上飛吻，未婚妻Riko會否呷醋？林奕匡表受《香港01》電話訪問表示：「佢唔會嘅，佢OK㗎。其實Robynn都有問佢(Riko)想唔想玩，不過佢就覺得呢個應該係朋友做嘅事。」另外，Phil又提到未婚妻昨晚有些失望，因為她事前已訂檯打算為為Phil慶祝生日，可惜因為8號風球而取消。

生日片包含不同音樂元素，為何指定要「F Key」，是否有特別含意？林奕匡表受《香港01》電話訪問表示：「我估因為Edward Chan有份，印象佢對啲Key(調性)好靈敏，F Key係一個開心嘅Key我記得佢講過。」Phil亦提到自己的作品《頌讚詩》也是F Key，歌曲予人一種舒受的感覺。

下圖睇下有幾多星支持！人緣真係好緊要！