譚芷昀爸爸係最佳關公 女兒做公司生招牌「順勢」幫自己做歌手

撰文:彭嘉彬
出版:更新:

9歲小妹妹譚芷昀在《America's Got Talent》中一鳴驚人,成為港人一時佳話。雖然網上意見兩極,有人力讚呢位小妹妹天資聰穎,亦有人批評佢淪為父母生財工具。不論如何,望子成龍也是古今皆有的事情,在這位9歲天才背後,當然不少得一位幕後軍師,也就是她的爸爸,譚順生博士。比起以女兒作生財工具這類極端的看法,其實他也只是較懂得善用女兒優勢,為自己、為女兒作宣傳,總之女兒越紅,他就越見報,越受關注。

唔怕年紀細,最緊要有爸爸打點一切!真係有爸的女兒像個寶!

譚爸爸一直都有個歌手夢,或許是這個原因,於是一直努力培訓Celine成才,更因為女兒而有幸與不同的樂壇中人結交添!

年紀輕輕嘅Celine真係好識撈!喺粉絲專頁幫爸爸宣傳新碟,難怪爸爸咁錫佢! (網絡截圖)

經常說母憑子貴,但今次可算是父憑女貴。本身也是一位聲樂老師的譚順生博士,有個明星囡囡,自然要變身「星級爸爸」,去年跟隨Celine父女檔一起簽約為蕭定一旗下歌手,儘管有人會認為「買細送大」,不過一家親咪幾好!最近譚爸爸更推出專輯,望望Celine的專頁,她的確比一般9歲小朋友更識諗,懂得利用自己的專頁為爸爸宣傳新碟,字眼的成熟程度,你講係譚爸爸自己打都有人信,Celine成功之餘又幫爸爸宣傳,譚爸爸真係老懷安慰啦!

最近接受傳媒訪問時,他表示新碟銷售情況理想,仲話好多人訂咗,究竟係咩人呢?我啲學生都訂咗好多,加上囡囡好多Fans,佢哋愛屋及烏。」所以話,有個又可愛又唱得嘅囡囡幫手,仲有一班門生,想唔紅都難呀!

提起爸爸譚順生,其實除咗做歌手以外,他仍未放下聲樂老師的身份,最近更推出暑期課程,話晒都培養咗一個小巨肺出嚟,當然要食住個勢做宣傳。所以不論在譚博士的社交平台、官方網頁、甚至巴士廣告上,都能夠見到囡囡Celine嘅身影,提高女兒曝光率之餘,又能盡用優勢,睇嚟囡囡Celine已經係譚博士「Sing And You」音樂中心的生招牌。一眾家長如果都想培育子女成材,似乎譚博士的歌唱課程夠晒說服力,上網睇一睇,小朋友課程每堂也只是大概港幣三百多元,認真抵玩!

連巴士廣告都不忘擺埋囡囡上去作招徠,呢位爸爸認真唔話得! (網絡圖片)
每張宣傳海報都見到囡囡個樣,真係充滿著爸爸滿滿的愛 <3

不少人認為,父母完成不到的心願,就靠子女幫他們完成。今個父親節,譚博士總算完滿了自己的歌手夢,又把女兒打造成新一代小天后,由《中國新聲代》到《Britain’s Got Talent》再打入《America’s Got Talent》,可說是最佳的父親節禮物,羨煞不少港爸港媽。深信在可見的將來,除了教聲樂外,譚博士還可以考慮一下開班教授新一代爸媽如何培育子女成材。

睇到呢幅造型照,硬係覺得好熟面口… (網絡圖片)
似層相識....原來同補習名師有關
蕭源為現時中文補習天王,成為補習社爭相羅致對象。(資料圖片)
你可能感興趣