Celine爸爸險搶「冠軍」學生 正印鍾偉強反擊:要尊重行內規則!

撰文:史順宜
出版:更新:

Celine爸爸譚順生,最近負面新聞多多,繼早前有《香港01》獨家報導指譚順生因搶客事件,激嬲家燕媽媽(家燕姐)外,又被指借第二季《中國新歌聲》香港區出爐冠軍張翊龍招客等。今天事態又有新發展了...

Celine父借《中國新歌聲》招客 港區冠軍不滿:以為佢好心幫我

傳送門:http://bit.ly/2st9Rnl

話說,曾以60歲高齡參加第二季《中國好聲音》(現稱:中國新歌聲)的學員鍾偉強(Simon),原來他才是第二季《中國新歌聲》香港區出爐冠軍張翊龍的「正印」老師,當鍾偉強接受《香港01》獨家訪問時,對於譚順生用試堂形式,邀請張翊龍到他學校,並要拍片稱他(張翊龍)為自己學生作生招牌時,鍾偉強有此回應:「想勸佢三思一下!」

譚順生與張翊龍合照。(fb圖片)

當「正印」老師鍾偉強知道自己學生被人借故拍片宣傳,他似乎未有太大不滿:「知道之後無話有咩唔開心,不過我覺得做人應該要有原則囉,拍條影片話係佢自己學生,係有少少欺騙成分,我覺得咁做係無意思,遲早會被人踢爆,最後只會搞個大頭佛出嚟,其實真係無必要咁做,或者佢咁做有佢嘅原因喇。」

(怕唔怕學生被搶?)

「哈哈,由得佢啦,我都有睇到個別新聞提過有咁嘅事,哩樣嘢我唔評論。總之就係話大家做人無謂去損人利己,老實講我覺得出嚟做嘢受人尊重比名利更重要,為名利去背住人做其他嘢只會有反效果,可能佢會覺得商業社會大家公平競爭,sell自己嘢係無問題,但你行內人更應該要尊重行內規則。所以我真係想勸佢三思一下囉。」鍾偉強語重心長說。

 

張翊龍表示雖然跟鍾偉強學唱歌短短時間,但已經獲益良多。左起:張翊龍,鍾偉強(fb圖片)

當問到今次被屈拍片可有過兩招給張翊龍時,鍾表示:「佢未遇過哩啲事,我同佢(張翊龍)講要提高警覺性,以後有人搵佢拍片,佢應該叫比賽(主辦方)嘅人幫佢溝通一下會比較好,佢仲細經驗少,可能有人會想搞小動作出嚟令佢防不勝防。」

而第二季《中國新歌聲》香港區出爐冠軍張翊龍回應《香港01》查詢時表示,今次成為香港區冠軍,鍾偉強也幫了不少忙「我跟鍾sir上堂兩個月左右,因為我比賽經驗真係好少,所以鍾sir都幫到我好多,台風,音準,咬字,更重要係自信。」

有「搖滾周伯通」之稱的鍾偉強,結他,打鼓,樣樣皆精(fb圖片)

鍾偉強曾力壓張國榮奪軍

鍾偉強來頭其實不少,早在1977年參加麗的電視舉辦的亞洲歌唱比賽,當時Simon力壓當年尚未走紅的張國榮成為冠軍,但Simon入行後始終不適應娛樂圈生活,所以在1980年代初他已轉行賣保險。直到2012年,鍾偉強參加中國內地選秀歌唱節目《激情唱響》並取得全國第五名。到2013年,鍾偉強以60歲高齡姿態參加第二季《中國好聲音》並成為汪峰組別的學員,以翻唱Rolling in the deep及Hey Jude等英文經典歌曲,引起大家關注。現為歌唱老師,並自組製作公司為自己創作音樂。

+1