男替女拿手袋樣衰? 男生至窩心回應:幫女友拎袋有種好仔feel

撰文:梁苡珊
出版:更新:

女人覺得對的,有一千個理由,男人卻又有一千個理由去否定。男女這種既相同又不同的生物,同是為人,但視覺、思維又可以如此不同,有時更是衝突大得像要世界大戰,一方認為是理所當然的,另一方竟又可以覺得是奇恥大辱,簡單如「男人應唔應該幫女人拎袋」。正反兩方一樣大條道理,這又是不是簡單成:女人想;男人唔想?

你會唔會叫男人拎袋?

「會,個袋重就叫,好正常啫。如果佢唔主動問我,我會覺得對方唔夠細心。」
「唔會,覺得好樣衰,我樣衰時男方又樣衰。佢拎唔靚又好似冇晒尊嚴,我又會畀人話係港女,除非我係拎環保袋就可以考慮吓,視覺上冇咁唔靚。」
「買個袋都係想用嚟拎,你畀人拎咁你買嚟做咩。同女人手袋有幾重呀,都唔方重啦。幫你拎唔一定係細心,如果我唔想你拎,你仲要衝埋黎拎,證明你唔夠了解我,前世未拎過嘢呀?」
「我唔會叫男友幫我拎袋,唔想街外人望落覺得我男友好廢。但如果係日用品呀,去街市買餸就冇問題,因為呢個係日常生活的分擔,呢件事係sweet的。」

有時想,兩性平等大概不是每個女人的追求,自主獨立可能只是停留於口中的時尚。因為要是真的平等了, 就連性別不平等帶來的「好處」也一併失去。現在,男友不幫忙拿袋,不lady first,大可以埋直氣壯指男方不夠gentlemen。要說平等,這種強求就不能「合理」了,拿袋的,就當然是袋的主人啦。雖然也有不少女性拒絕男方代勞,但並不源於需要與否的問題,而因為怕男方「樣衰」,不想站在身旁的另一半不夠「男人」,說到底也是在符合著某種性別固有認知。

對男生而言,幫女生拎袋是不是形象負面?(vcg.com)

你會唔會幫女人拎袋?

「我一定唔會拎,如果出街見到個男人幫女人拎袋,我會覺得個女仔好港女,個男仔好廢,唔夠man。」
「長期拎真係唔得,特別好女人嗰啲,如成個粉紅色咁就唔好搞我啦。如果我喺街見到男人拎住個女人袋,我會歧視個男仔,好廢。如果我真係要幫手拎,比如佢去廁所我幫佢拎住,我會企係廁門口,話畀人知我係等我女友去廁所先幫佢拎。」
「女朋友話攰先幫佢拎袋,女朋友用的手袋通常都係中性啲,但就算女人手袋我都冇咩所謂,我又唔覺會唔man,當然會對外觀有些微影響,但如果女朋友攰的話話我又唔會諗咁多。有時我都會叫女朋友幫我拎返嘢。」
「女友叫到冇所謂啦,我唔會歧視街上幫女仔拎袋的男仔,乜唔係應該要有種『 啊係好仔嚟嘅feel咩?』」

在男性角度,「Man」從來重要。作為女人的我一直以為,男人會覺得,幫女人拎袋是映衰男人的行為,可令男人應有形象盡失,甚至尊嚴受損。但原來,他們也可以反過來將這行為演繹成「Man」,是對女方關懷和愛意的表達。這麼看來,一個小小的手袋,撇除了性別角色的內容,原來也被賦予了另一重的意義,關於愛情。

似乎當一男一女走在一起,女人那個袋在誰手上是被加諸了太多內容了,試想想,由誰來拿這袋是不是一定要代表什麼?女人拿是不是也可以不代表「自主」,男人拿也不代表「不像男人」,沒有這些前設,關於拿袋的爭拗,大概可告終。

記著,要是太在意他人目光的話,在香港大慨是「做乜都死」。

關係是在談互相扶持與照顧,又是尊重與溝通,誰拿手袋也取決於兩人的互動與共識。(vcg.com)

放下了前設,男方實不需要在意幫女人拿袋會遭人恥笑(我唔排除真係有)。要是真的覺得拎袋是體貼表現,就問一句,若女友拒絕,也不必想太多。女方想男人拎袋,不管是累了想找人分擔,還是想試男方的「忠心」,抑或向世人曬命......沒關係,他受就可以。

本來就沒有男女必然要做的行為,男女之前,做回自己就好。

你可能感興趣