【災後中秋】保舊窩煮蓮蓉 置新爐焗月餅 風災不倒老店再上路
廢墟中，老餅家匆匆收捨殘局，店東撿起那陣舊的銅窩、購置新焗爐，燃起爐火，將洗淨浸軟的蓮子投入舊窩，慢慢攪拌著煮成蓮蓉，再將餡料鹹蛋黃及搓好餅湯圓皮，放入新焗爐。月餅終於出爐，今年中秋，有80年歷史的品芳餅家如經歷月缺重圓，因其位於澳門十月初五街，是天鴿風災的重災區之一。
無情颱風摧毀澳門大小建設，更對商戶做成沉重打擊，街上不少商舖於水浸後至今仍復業無期。品芳餅家於水浸後停業近3周後終於復業，但除了錯失中秋旺季不少生意，老闆預計重新裝修更要花上超過30萬，一度考慮結業，然而最後仍決定咬緊牙關，「一係唔做，一係下決心做落去做好啲，將個佈局重新包裝，沖個涼著件新衫出黎見人，既然仲有能力就繼續上路」。
見到條街好似災難片咁，一返到去見到兩個伙記揸支電筒仔執緊嘢，我就知大鑊
災後雪櫃被沖出街 工場如「黑洞」
在十月初五街開業80年的品芳餅家，老闆陳先生指於颱風來襲前一日，已將貨品架高超過一米，未料水浸情況會如此嚴重，他與太太翌日才返回店鋪，「見到條街好似災難片咁，一返到去見到兩個伙記揸支電筒仔執緊嘢，我就知大鑊」。
陳形容，當時店內滿佈泥濘，店內食材如蓮子、紅豆等散落一地，雪櫃亦被沖出街外，工場更猶如「黑洞」，堆積如山的雜物東歪西倒，四部焗爐亦全數報銷。撇除被浸壞的電器及設備，陳先生指最辛苦的是災後清理，「損失十萬八萬當打麻雀出統，執果吓攞命，成地泥，無電無水，見到都腳軟」。
見慣水浸仍遭殃 批政府無預警
陳先生指，十月初五街過去亦不時發生水浸，因此他們已慣常於風暴前架高貨物，但水浸程度從未試過這樣嚴重，批評政府沒有事先警告居民作準備，「我哋防水意識已經好高，執貨已經執到張檯咁高，如果你（政府）早啲提出，但我哋無做功夫，我哋唔會怪你，但你冇提出，我哋咪睇你頭，以為做番平日普通準備咪算，點知會咁厲害」。他認為，政府應「的起心肝」，盡快研究興建水壩改善水浸情況。
損失十萬八萬當打麻雀出銃，執果吓攞命，成地泥，無電無水，見到都腳軟
今次（水浸）一次過就同你清哂
停業3星期正值月餅旺季
餅家於中秋前停業二十多日，停業期間正值賣月餅旺季，餅家因而失去不少生意，「呢個月好陰公，因為下個月就中秋，加上係競選年，中國人最興係送禮，所以一定儲好多貨，今次（水浸）一次過就同你清哂」。陳先生指，餅家於水浸前做好的多盒月餅，及數袋價值數千元的蓮子均被浸毀。幸而店舖沒於災前接下大批訂單生意，因此不致未能如期交貨，「打風前係接咗一張幾百蚊嘅禮餅單，後尾搵番張單出嚟都濕哂，勉強見到個電話打去叫佢（客人）番嚟收錢，最後佢都無番嚟」。
月餅再現貨架 自家製功夫不簡單
經過近三星期的執拾，重新添置焗爐、鋼盆、雪櫃後，餅家終於上周復業，陳先生與一眾伙記連日來均正忙碌準備，原來清空的貨架亦開始回復放滿一盒盒月餅的情境。然而，製作月餅殊不簡單。陳先生指，造月餅前，先要經過一整天時間的準備工序，就是煮蓮蓉。
陳年銅窩慢煮蓮蓉
清早7時，陳先生與伙記回店準備，於廚房內先將一粒粒乾淨的蓮子浸至軟身，再加水倒進一個數十年歷史的銅窩裡慢煮，將蓮子慢慢煮成蓉，光是這個過程已經花上半日，待蓮子成蓉後，便要拿起隔水及磨幼，再回鍋加入糖及油，再慢煮半日，直至凝成固體，攤放一兩日後方成為月餅的蓮蓉餡。加入鹹蛋黃及包上餅皮後，一個個新鮮出爐的月餅，原來需要經過近兩日的工序。
「𠵱家好多人（餅店）唔識煮蓮蓉，去食品廠買一盒盒現成嘅返嚟，搵個餅皮包咗佢就算，裡面個質感係無，做產品要追求品質，好似煮餸無食材點煮到好餸」。陳先生指，餅家不論月餅禮餅，所有餡料如蓮蓉、豆沙、芝麻餡等均是自家製。由煮蓮蓉、搓餅皮、倒模到入爐，全程均於小小店舖及工場完成，是對傳統味道的堅持。
木製月餅模已鮮有使用
然而時代進步，古法中亦有配合新技術，陳先生指，現時焗月餅已換上新式焗爐，而一個個實木製、浮現裂痕的月餅模，陳先生指已經甚少便用，取而代之是機械化餅模，膠製的餅模上連接氣泵，方便月餅脫離餅模，「以前要拎起個模扑落張檯先拎到（月餅）出嚟，宜家一唧就得」。
一係唔做，一係下決心做落去做好啲，既然仲有能力就繼續上路
曾討論應否結業
天鴿風暴後，澳門政府向受災中小企及商戶發放5萬元緊急援助金，另提供60萬免息貸款，分8年攤還，陳先生指餅家僅重新添置焗爐已花上近8萬，加上貨物損失及店內木櫃等裝修已浸壞，「唔可以求求其其用番啲舊嘢，唔係個招牌愈做愈差，產品一定要衛生同俾人感覺新鮮」，預計將來重新裝修或要花上超過30萬，陳先生指曾跟太太討論應否結束營業，但最後決定堅持，「一係唔做，一係下決心做落去做好啲，將個佈局重新包裝，沖個涼著件新衫出黎見人，既然仲有能力就繼續上路，辛苦多幾年」。
衣食住行一定要有，好似城市咁，如果落樓下無嘢賣，無意思
秉承三代祖業 做生意賺錢亦講興趣
扎根於十月初五街80年，經歷三代人，陳先生指，以前餅家包辦不同酒家、賭場等禮盒月餅，以及當時仍興盛的「月餅會」的文化，「例如入咗會每個月供10蚊，到中秋就可以拎番150蚊嘅月餅，當打個折頭咁，仲有呢禮品送吓」，但文化到現今已式微，因而餅家現多做散客及嫁喜禮餅生意。
陳先生17歲開始於餅家工作，轉眼已40多年，其間亦有做過不同生意，但最專注仍是做餅，「始終係祖業，做生意唔係剩係講賺錢，係要有興趣，人哋有需要嘅你去幫人完成咗佢，好似做餅人哋有得食，食完好食嘅再買。衣食住行一定要有，好似城市咁，如果落樓下無嘢賣，無意思」。
