【iPhone X首發】街頭收機：內地接貨客少 「炒機」黃金年代已完
撰文：陳淑霞
出版：更新：
「iPhone X」首日發貨，不少「果農」熱切期待放售圖利，但有十年收iPhone經驗的手機回收商直指，「炒蘋果機的黃金年代已玩完」，亦由於內地及電訊商上台機貨源充足，加上「iPhone X」非如以往般訂於十月黃金周開售，內地自由行客源明顯驟減，一個早上僅接十多部訂單，且新機亦極速「冧價」，3小時已降至少700元，他相信「iPhone X」炒價微弱，難以起死回生，明天起更隨時「炒燶」收場。
銅鑼灣希慎廣場外，午飯時段擠滿手持「iPhone X」的用户，但向現場手機回收商問價後均流露失望表情。（陳淑霞攝）
不願出鏡的明哥（化名）今早起於銅鑼灣蘋果專門店外開始守侯，由於「iPhone X」甫首發，即告唱淡市，「以前邊有好似依家咁㗎，可以咁得閒！」
他從事手機回收10多年，當時眼見轉售iPhone、iPad 有利可圖，遂入行分一杯羹，「當年買iPad，放出去都成千蚊！」惟時至今日，一般市民炒機只能賺取微利，「依家水位好波動，唔駛一日時間已經冧哂價，但以前維持幾個禮拜都放到好價位。」
iPhone X跌到咁？微博傳「全球第一摔」短片 前後玻璃全碎裂【iPhone X首發】炒價低果農急放止蝕 果粉：扺過買名牌戒指【iPhone X首發．持續更新】先達下午回收價微升 256GB可賺912元
他表示，內地是「iPhone」收機最大市場，但「iPhone 6」後蘋果改變出貨策略，中港同步發售，市場明顯萎縮一半，不少行家唯有兼做「外單」突圍，即外銷至印度、杜拜等地，「加上今次過左十月黃金週，少咗好多自由行嚟直接買機，今朝我都無做過大陸客。」
他續說，每代「iPhone」能否炒得起，皆有跡可尋，「如果門外一大群內地外省人拖哂篋，拎晒紅白藍袋，就証明炒風熾熱。以前大把蒙古、東北大佬落嚟直接收貨，但依家都係啲零丁內地收機散户！」
