【iPhone死機‧有片】苦主到蘋果店求助：嗰一刻真係想離棄蘋果
撰文：梁煥敏
出版：更新：
蘋果（Apple）iPhone用戶更新新作業系統iOS 11後，接連有用家發現不斷「彈app」、手機突然進入黑屏、出現代表「載入中」（loading）的圈圈不斷自轉「鎖mon」，多次自救失敗，「哀鴻遍野」。今早（2日）多間Apple Store外都有「苦主」一早等候維修，直至下午都仍人求助，有用家直言「嗰一刻真係想離棄蘋果！」
iPhone用家魯小姐表示，今早起床後發現電話不斷「閃屏」，並開始發熱。（梁煥敏攝）
+2
苦主黑晒面一早排隊求助
iPhone7用家魯小姐表示，今早起床後發現電話不斷「閃屏」，並開始發熱，情況未有改善，故即時改變今日原定行程，改到蘋果店向職員尋求協助，她坦言：「真係黑晒面，嗰一刻真係想離棄蘋果！」但到達維修部後，職員不足10分鐘將電話重設更改日期後後已回復正常，暫未出現其他問題，她滿意其職員的處理。
魯小姐又説，數日前曾將電話「升級」至iOS 11.1.2後，今早才發現電話不斷「彈app」自動鎖機、手機突然進入黑屏狀態、屏幕出現代表「Loading」（載入）的白色自傳圈圈，形容連「跟朋友覆一句whatsapp的機會都無」，因此十分擔心，故即時到蘋果店查詢。「我黑晒面咁嚟到，現場已經有人排隊，全部人都黑晒面，都知道咩事啦！」
國金二期Apple Store今日收到不少「苦主」求助。（梁煥敏攝）
iOS 11升級全球出事？iPhone死機彈Apps狂轉圈急救法更新iOS 11傳iPhone集體死機 黑屏彈app無限輪迴 果迷點自救？【Apple Watch實用Apps】你未必知道5個必裝實用工具Apps推介
職員指日期管理程式「相撞」所致
另外，魯小姐表示，職員曾向她解釋，出事原因是數個日期管理程式「相撞」，已通知總公司跟進，惟她未有下載有關程式，未知「死機」的真正原因，「但我都希望佢可以快啲整好啦，我都擔心再用唔到。」
Apple Store職員向手機用戶講解操作方法。（梁煥敏攝）
