【派錢4000】黃夏蕙「嫌錢腥」：求林鄭帶領官員搞好房屋福利醫療

財政司司長陳茂波及勞工及福利局局長羅致光將於今日下午為預算案「拾遺補漏」，料公布向18歲或以上、無收入或低收入人士、在今年預算案中未能受惠者，派發4,000元。藝人黃夏蕙在Facebook撰文質疑政府派錢，揶揄「多謝」政府派錢，直指房屋、長者福利、醫療政策不佳，向特首林鄭月娥說：「求下（吓）特首帶領妳班官員做番D實事啦」。

藝人黃夏蕙在Facebook撰文不滿本屆政府派錢，稱「多謝」政府派4,000元，但房屋問題解決不到，居屋呎價達萬元，老人福利則如乞丐，醫療制度不知所謂，令大部分資深醫生離開公營醫院服務，要求特首帶領政府官員應做實事。

真係多Q謝政府俾（畀）4000蚊我地（哋）Law！房屋問題做得唔好，居屋要成10000一呎！老入（人）福利仲慘過乞！醫療制度不知所謂，搞到大部份資深醫生離開公家醫院服務！求下（吓）特首帶領妳班官員做番D實事啦！

撐夏蕙說網民：派錢好無厘頭

帖文發表12小時以來，共錄得約1,200個讚好、勁正和嘩。近百個網民留言幾乎都支持黃夏蕙說法，指「夏蕙BB妳真棒，句句到肉」，「夏蕙姐說得好有道理」，亦有人附和黃夏蕙批評政府，「政府應做唔做，唔應做又做，好無厘頭」；另一女網民留意說：「 而家政府以權謀私，出風頭出位出名，做事０!因為佢地（哋）都唔識點做！仲要問我地（哋）生活點呀點呀！問完當已經做左（咗）！跟本佢（哋）連做嘢標準都冇！所以任何一個做緊野既人都勁過政府！」

黃夏蕙回覆《香港01》查詢時表示，「啲錢我哋納稅嘅，畀返我哋之嘛！」她又說，對於長者來說，是次「派錢」可能為他們增添煩惱，「老人家點去拎呀，要咁多條件，幾十歲。」