【HKTV夢碎】王維基：每樣嘢有開始都有結束　政府換屆不見轉機

香港電視本月27日公布，撤回免費電視牌照申請，以及交回流動電視牌照及頻道。港視主席王維基今（29日）出席電台節目訪問時表示，經檢討多方面因素後，選擇放棄申請牌照。他指，即使政府已換屆，但在牌照問題上仍感覺不到轉機：「不能無限期等落去。每樣嘢有開始都有結束。」
他形容自己猶如打工仔，於8、9年前寫求職信找工作，但公司一直未有給予面試機會，卻不斷查問學歷、經歷等，「過咗8、9年又再問有咩改變，拖幾年又再問，咁不如算啦。」他又對舊同事感到抱歉，但樂見曾對香港電視業界有變革推動。

回望王維基的「電視夢」，始於近10年前政府有意增加免費電視牌照數目。惟2012年政府宣布因「一籃子因素」港視不獲發牌，其後港視再度申請牌照，政府早前稱正等待港視補交資料。王維基說，當局一直要求其回答問題，「我覺得都無嘢好答，公說公有理婆說婆有理，我有答『我無咩可以答』。」

他形容自己猶如打工仔找工作，「8、9年前寫求職信，一直無interview（面試），但公司就不停問你有咩學歷、資歷。過咗8、9年後，再問你有咩改變，拖多幾年又再問，咁不如算啦。」

感觀眾已很少「坐定定」看電視

他指，港視屬上市公司，需向股東交代，去年起有股東「追問」電視業務情況，及後檢討完畢，考慮到外在及營商環境、觀眾收看節目口味與公司資源，最終選擇放棄。早前在業績會上，王維基引用電視劇金句：「人生有幾多個十年」，指8年等待是很長時間，亦有不少支持者希望他再堅持。

王維基坦言，即使政府已換屆，惟成功申請免費電視牌照上，仍感覺不到有轉機：「唔可能無限期等落去，即使我遲多兩年再作出決定，你都可以問我點解唔等多兩年。」不過，他亦認為，現時觀眾已很少「坐定定」看電視，加上當年轉頭港視的熱血編劇、導演多各奔東西，「唔想大家側重話政府不對，要整體睇。」

若時光倒流，四年前港視獲得電視牌照，他直言：「相信過去四年，會係香港電視史上最輝煌時期。因為嗰陣有好多行業精英、願意變革嘅電視人出嚟推動，外界氣氛又好好。」他續說，當年未有牌照已冒風險拍攝劇集，有責任將作品放在電視平台播放，又謂相信各位電視人在那段時期有所得益、擴寬眼界，有助推動在香港、內地的發展。

不過，對於有指他幸好未獲免費電視牌照，他立刻說：「哩個講法絕對係錯誤。」而被問及是否政府錯，他則指政府因素「好大」，及至今不知道不獲發牌的原因，但形容該項目已完結。

他又承認，事件令他心裡一直不舒服，「當年唔少同事離開多年嘅安全島，畀我信任好大，我唔知講對唔住有冇用，但私下一直有講對唔住。」