【旺角商場】旺角潮流特區轉型 商戶望人流返轉頭

撰文:賴啟燊
出版:更新:

網上流傳旺角開業超過20年的潮流特區,湧現吉鋪潮,甚或說是即將結業,《香港01》記者走訪,發現潮特3樓有6成吉鋪,剩下的商鋪大多都在門外貼上搬遷告示,不少商鋪都表示將會於下月搬到2樓。有商戶指傳聞有大型連鎖店進駐,所以3樓所有店鋪將要全數撤離。

網上流傳旺角開業超過20年的潮流特區,湧現吉鋪潮,甚或說是即將結業。

於3樓經營服裝店的容小姐就指,收到商場方面的通知,需要於下月初遷離現時的鋪位,她慨嘆3年前因旺角家樂坊重組,搬到來潮流特區,現時又要由300呎的鋪位,搬到2樓較小的鋪位,「冇辦法,唯有逼啲」,不過她希望搬到2樓會令生意好轉,「通常都係1、2樓最多人,3樓真係好少人行上嚟」,「我哋搬到樓下應該會好啲」。

潮流特區3樓28個舖位,近6成是吉舖。
容小姐就指,收到商場方面的通知,需要於下月初遷離現時的鋪位。

於潮流特區經營服裝店多年的梁小姐亦指,潮流特區今非昔比,受網上購物潮流影響,與高峰期相比,近年店鋪的生意額下跌近3成,直言「一路都諗住唔想做,但有情意結,做咗十幾年,有一班熟客。」她又指曾經生意額只能「打個和」,除去開支,生意額只夠應付她與1名同事的基本薪金;她又希望如果有大型連鎖店進駐的傳聞屬實,可以帶動人流,刺激生意額。

市民梁小姐亦指商場的店鋪類型相近,「好似嚟嚟去去都係嗰啲鋪頭,冇咩特別,唔太吸引我去行」,她又認為網上購物更加方便,「方便,唔駛搵地方行,自己上網搵咩類型都有」。

梁小姐指商場的店鋪類型相近,「好似嚟嚟去去都係嗰啲鋪頭,冇咩特別,唔太吸引我去行。」
梁小姐指,潮流特區今非昔比,直言「一路都諗住唔想做,但有情意結,做咗十幾年,有一班熟客。」
不少商鋪在門外貼上搬遷或減價告示。
你可能感興趣